عشقت تلميذتي الفاتنة

البارت 102

🥀🔥عـــشــقـــت تــلميـــذتـي الفـــاتنــــة🔥🥀

                     By : oumaima mariposa  

🥂الــــعــــشــــق... او ولــــوع فــــي الــــحــــب🥂

البــــارت : 102
• نزل تبعها وهوا كيضحك عليها كيفاش نساتوا وتمات غادة لجيهت الڤيلا...

• دخلوا للدار لي كانت كبيرة... كانت متكونش من جوج طبقات وجردة كبيرة معا بيسين لي كبير وصال تاع الرياضة...

سيف شدها من يدها غادي بيها للكوزينة : اجي تشوفي الكوزينة
حنان دخلت وهيا كتشوف وحالة فمها : اوه واعر هدشي
سيف : اي حاجة معجبتكش نبدلها
حنان : امم وخا

• طلقات ليه من يدوا وتمات غادة طالعة فدروج متوجهة للغرفة وهوا غير تابعها...

سيف : راهوا بيتنا [نعت ليها على البيت]

• مشات متوجهة نيشان للبيت لي غير مني دخلت ليه وهيا حالة فمها فالجمال ديال الغرفة...

• كانت الغرفة كبيرة كيتوسطها سرير لي كبير باللون الأبيض معا كنبية فالجنب ديالوا فالأزرق ومحطوطة حداها طابلة صغيرة تاع زاج... اما الحمام لي كان كبير وفيه بانيو وكدلك الدوش لي كان مغطي بزاج وعاد لافابوا ومرايا كبيرة وفالجنب الحمام كان دريسينغ روم لي كبير وزوين وعاد البالكون لي كبير وفيه كرسي لي كيتحرك وحداه طابلة...

سيف وهوا مباتسم وكيشوف فتحركاتها : كيف جاك البيت
حنان ضارت كتشوف فيه : كيهبل
سيف : نتي لي كتهبلي

• بقات كتكتاشف دار ومني سلاو مشاو يتغداو بعدما علمت ماماها بلي مغداش تجي تغدا وغير يتغداو بلا بيها...

• عند ليث وندىلي مانوا باركين كياكلوا عند با حميد نصوصا...

ندى وهيا كتلذذ : الله على بنة هدشي لذيذ
ليث ببتسامة : بصحتك
ندى : ونتا عجبك
ليث : ممولفش ناكل هدشي ولكن ناكلوا على قبلك
ندى : شيكي كول راه البنة والعمال

• بدا كياكل معاها وخا مباغيش حيث عارف بلي غادي يضروا هدشي ولكن قال هانية... مني سلاو خلص ليث ورجعوا للدار باش تهز ندى كتوبتها...

ليث وهوا واقف قدام دروج وكيغوت عليها باش تهبط : يله نزلي راه غادي يفوت الحال
ندى بالغوات باش يسمعها : هانا نازلة

• مشا هوا للوطوا وركب كيتسناها تركب حداه... بعد مدة نزلت وركبت حداه...