اروى في اوضتها ماسكه صورة مالك وبتعيط .. وحشتني اووي يا مالك نفسي ترجع دقيقة واحده احضنك فيها انا مكنتش اتخيل اني هعيش في يوم من غيرك انا بحبك اوي
الباب اتفتح.. وانا كمان بحبك
يا لاهووووويييي اغمي عليها 😂😂😂😂
مالك جري عليها وهو بيضحك.. اروى فوقي يخربيتك بت يا اروي
اروي بتهته.. م مالك
مالك فضل يحط ميه علي وشها.. ايوا انا هنا قومي
مفيش رد سابها وراح جري علي اوضه مازن
مالك .. مازن ولا يا مازن اصحي
مازن.. يااااه أنا لسه نايم سيبوني شويه
مالك.. يابني قووم بقي امك بتموت جوا
مازن قام بسرعه ع الكلمه بيبص جمبه زعق بصوت رجولي.. اااه انت انتتت ب باابا وفضل يفرك بعينه ويبص حواليه انا بحلم!! بحلم اكيد وشه جاب ميه من العرق والصدمه
مالك حط ايده على وشه.. انا هنا يا حبيبي
مازن طلع جري ناحية الباب وهو خايف.. استغفرالله العظيم يارب سلام قول من رب رحيم
مالك ضحك جامد وهو بيسقف ايد علي ايد .. يابني والله العظيم انا موجود انا عايش اهو متخافش كانت في مأموريه والله وكان لازم اعمل الحوار ده هحكيلك بعدين تعالي نفوق امك بس وحط ايده علي كتفه
مازن اتنفض من مكانه وبعد خطوتين
مالك خرج.. تعالي ورايا يلا
مازن فضل يبص حواليه.. هو انا مت وبتحاسب ولا بحلم ولا البيت ده فيه عفاريت ولا اييييه
مالك.. يااا مازن
طلع جرى وراه وهو مصدوم اروى كانت نايمه على السرير
مالك قعد يفوق فيها ومازن راح الناحية التانيه وبيفوقها وحطت عليها ميه وشممها كلونيا لغاية ما بدأت تفوق
اول ما شافت مالك انكمشت في نفسها وبصتله بخوف
مالك .. اهدي يا اروي انا موجود ياحبيبتي اهو والله العظيم دا حصل غصب عني كنت في عمليه مهمه وكان لازم دا يحصل وكل حاجه كان متخطط ليها من يوم ما كلمتك وقولتلك اني تعبان واتنقلت المستشفي والدكتور اللي خرج قالكم اني مت دا كان تبعنا بس مغبتوش عني لحظه واحده حتي لين كنت عارف عنها كل حاجه وعرفت انها اتجوزت كمان صدقيني غصب عني انا آسف مش هتتكرر تاني
اروى بدموع.. انا مش مصدقه نفسي طيب ازاي حتي متصلتش قولتلي انا كنت بموت كل يوم يا مالك حرام عليك
مالك.. كنت خايف التليفون يكون متراقب فعملت كده عشان الموضوع يبان حقيقي اكتر
اروي اترمت في حضنه .. انا حاسه اني بحلم انت وحشتني اووي يا مالك
KAMU SEDANG MEMBACA
زواج أطفال
Romansaطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
