زواج أطفال

بارت 34 الجزء الرابع

في اليوم التالي  كان  يجلس  جواد  بكتبه  شارد الذهن يفكر  فيما حدث  حتى  طرق الباب  ودخل  يامن  يلقي  عليه التحيه 

رد عليه  وهو مازال على  وضعيته.. صباح  النور  اقعد 

استغرب  من طريقته  وانه  يجلس  فارغا  علي غير عادته  فهو دائما  منهمك  في عمله  حتى  نهاية اليوم  .. مالك مش حاسك  اليومين دول  مظبط كده  ولا عشان مريم  معدتش  بتشتغل  يامعلم 

تنهد  مطولا  ثم نظر له  .. بلاش هزار يا يامن انا مش طايق نفسي  بقالي فتره  بسبب اللي حصل ده  على فكره  لو مكنش  خروجي من الشركه  هيعمل  مشكله كنت  سافرت من وقتها  انا مش مرتاح  ولاول مره  احس  انه مش مكاني 

تكلم  الاخر بجديه  .. بلاش  تفكير اللي حصل حصل  والموضوع  هيتحل  بعدين  ده مكانك  وهيفضل مكانك  دايما  مش عشان  غلطه  بسيطه  مفكرنا  هننسى  كل اللي قدمته  للشركه  انت اكبر واحد فينا  واكتر واحد  مهتم  بشغله  محنه  وهتزول  ان شآء الله  خليك من تميم  هو عصبي  شويه   بس صدقني  عمره  ما هيقف ضدك  احنا اخوات  يا جواد عيب الكلام ده 

اغلق الحاسوب  امامه  بإهمال.. مش عارف بس  انا فعلاً  غلطان  جدي لو عرف  هتبقي  مشكله   بس انا مستغرب  تميم لغاية دلوقتي  مقالش حاجه ليه  وكمان  متجاهل  اللي اسمه زفت باسم ده ولا كأن حاجه حصلت 

ابتسم يامن  وهو يتوجه  للخارج.. عشان قولتلك  تميم  عمره  ما هيقف  ضدك  وبالنسبه لموضوع باسم  محدش يعرف  هو بيفكر في ايه ناحيته  هدوءه مش  مطمني  برضو  بس الايام الجايه كتير  المهم ركز في شغلك  دلوقتي  واللي فات مات  هااا ثم غمز له قائلا  .. ولو عايز مريم  نرجعها   معاذ  مش هيرفضلنا طلب

لم يرد جواد على حديثه  بل سرح  بفكره  الي  مريم  فهى منذ معرفتها  بأن معاذ أخيها  حتى  منعها  من العمل  بحجة انها  اصبحت  لا تحتاج  إلى شئ  لا ينكر  انه  اشتاق  إليها  وبشده   ولا يعلم  كيف  يفتح  موضوع  خطبته  منها  مجددا  فالامر  الان معقد بالنسبة اليه  لان  العمل  على  اصلاح ما افسده أهم  

ـــــــــــــــــــــــــــــــــــــــــــــــــــــــــــــــــــــــــــــ 

صاحت  حلا بها  .. هو ايه  معرفتيش تصوريه  يعني  فضل بايت عندك  ليله  كامله  وبتقولي معرفتش اصوره  انتي بتشتغلي نفسك 

ردت عليها جومانا  بصوت عالي هي الاخرى.. هو انا  شغاله عندك عشان تكلميني كده  بقولك ايه ياحبيبتي  مش عاجبك  ابقي  جيبيه انتي عندك  اعملي ما بدالك  انا مش فاهمه هو ايه ده اصلا  هتستفيدي ايه  يعني  انتي مشكلتك مع اخوه

تذكرت حلا ما فعله  بها حينما  احضرها في شقة صديقه  وهددها  فقالت بغل.. عشان  اكسره زي ما كسرني وخلاني ابوس ايده عشان ملمسنيش ولا يأذيني