في احدى الكافيهات التي تطل على النيل تجلس روفان برفقة معاذ يتجاذبون اطراف الحديث
وضع كوب القهوه بعدما ارتشف منه القليل ونظراته متفرقه بينها وبين الخارج.. ان شآء الله هتكلم مع والدك قريب ان احنا نعمل الفرح بعد حفلة تخرجك على طول
ردت بضحكه بسيطه.. مستعجل على ايه بس ما براحتنا
تنهد طويلا واحاط كفها بيده .. عشان بحبك وعايزك تبقي معايا من غير اي فواصل بينا صدقيني وقتها هبقي اسعد واحد في الدنيا
نظرت له بتأثر فهي دائما ما ترى صدق حديثه ونظرات الحب بعيونه .. على فكره انا كمان بحبك اوى يا معاذ ربنا يخليك ليا ونفضل طول العمر سوا
قبل يدها بهدوء ومن ثم ابتسم لها فقالت.. ايه اخبار مريم وطنط فاتن محدش بيشوفهم يعني حتى عرفت ان مريم بطلت شغل في الشركه
معاذ.. الحمدلله تمام اه بطلت لانها الاول كانت محتاجه الشغل لكن دلوقتي خلاص انا موجود ومش مخليها محتاجه اي حاجه
روفان.. ربنا يباركلك فيها ويبارك لها فيك بس انت ملاحظتش نظرات جواد ليها حرام والله صعب عليا
ابتسم مجددا.. لاحظت بس انا مش ماسكه يعني ماهو لو عايز يتقدم اهلا وسهلا البيت موجود صح ولا غلط
صح طبعاً ياباشا قالتها بنبره شبابيه فضحك عليها بكامل صوته
في المنزل كانوا يجتمعون سويا على سفرة الغداء فاليوم هو الجمعه
قال حسين موجها حديثه نحو الشباب.. اخبار الشغل ايه في الشركه
رد عليه يامن.. الحمدلله كله تمام ياجدو
اكمل عبدالرحمن .. والمنصع؟
قال لؤي هذه المره.. زي الفل متقلقش وبصراحة مروان شايف شغله كويس اليومين دول
قال رحيم.. ربنا يهديه ويفضل علي كده احنا ما صدقنا
ابتلع ريان ما بفمه مستفسرا.. هو مجاش ليه النهارده مش احنا بنتجمع في اليوم ده
نظرت رهف الي تميم بتعمد قائلة.. ده المفروض بقى بس هو زعلان شويه ومش حابب يكون في مكان هو مكروه فيه
فهم تميم مقصدها تماماً وما تلمح له هو بالفعل كان شارد الذهن ولم يأكل من طعامه شئ وما قالته والدته جعلته يقف من مكانه مستئذنا منهم
نظر له عبدالرحمن.. على فين؟
رد باختصار.. خارج مشوار
وضع ما بيده ومسحها بالمنديل قائلا.. معلش أجله شويه عشان عايز اتكلم معاك اسبقني على المكتب وانتى يا نيروز لو خلصتي اكل عايزك
ВИ ЧИТАЄТЕ
زواج أطفال
Романтикаطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
