زواج أطفال

بارت 27 الجزء الرابع

نظرت له بعدم تصديق.. باسم! انت بتعمل ايه هنا

قال هو بعدما اشار لها بالصعود للسياره.. اركبي  ونتكلم متقفيش فى البرد ده

نظرت حولها هى حقا تثلجت من برودة الطقس ثم صعدت واغلقت الباب ومن ثم اخذت تنفث الهواء في يدها لعلها تدفأ

سار مسافة قصيره ثم اشترى كوبين من الشاي واعطاها واحد لتمسك به بين يديها تستمد منه الحراره 

باسم.. انتى قاعده فين دلوقتي

نيجيار..  كنت عند زين 

رد باستفسار.. كنتي  طيب ودلوقتي

اشارت الي الحقيبه.. قررت امشي من هناك كفايه كده  لازم اعتمد على نفسي واشوف مكان استقر فيه  زين هيزعل اني مشيت بس انا مش عايزة ابقي حمل عليه 

باسم.. بس انتي هتكوني في أمان عنده  خليكي يا نيجار  مكانك عند زين هروبك هيتعبك  اوي متفكريهاش سهله 

نيجار.. انا احترت بجد والمشكله اني مش عارفه اعمل ايه واتصرف ازاي انا بتعذب في قربه ده انت مش فاهم حاجه 

نظر لها مباشرة قائلا.. انتى بتحبيه صح؟

وضعت وجهها بين كفيها  تحاول كبح العبرات التي تكونت فيهما.. ايوا بحبه وده اللي مخليني عايزه ابعد انا مش زيه ولا عمرنا هننفع لبعض 

باسم.. محدش اختار هو عايز يبقي مين واللي بيحب حد بيحبه هو بعيدا عن شكله واهله  واسمه  وانا متأكد انه بيحبك هو كمان والا مكنش ساعدك  وسامحك كل المرات دي

نيجار.. يعني ايه

باسم.. يعني  ارجعي انتي كنتي في المكان الصح  بس لو حابه تمشي وعايزاني اساعدك تلاقي مكان انا هحاول اوفرلك ده انتي ساعدتيني كتير وانا عايز اردلك المعروف

ابتسمت له.. بس انت عمرك ماكنت بتطيق سيرتي حتى انا متشكره اوي ياباسم بجد  ااه هو سمير فين دلوقتي 

باسم.. سافر بعد الموضوع اللي حصل ده  وقرر يستقر برا ويكمل تعليم هناك 

نيجار.. ربنا معاه ويوفقه

قال مستفسرا من جديد.. تحبي ترجعي ولا لا

سكتت قليلا ثم هزت رأسها بنعم  فقال متسائلا.. هو زين سابك تخرجي ازاي

نيجار.. هو مش في البيت  سمعته قال لتيته امبارح هيروح  الشركه وبعدين يرجع بيت جده

ادار محرك السياره عائدا مره اخرى  .. هو لسه بيروح الشركه لعيال خاله وكده

نيجار.. هو اسهمه كلها هناك اصلا زي مانت عارف وجده واخواله اللي كانوا مشغلين كل حاجه وهو مسافر

هز رأسه بالايجاب.. ايوا ايوا فاهم 

وقف امام منزل زين وهبطت  من سيارته تحمل حقيبة الملابس الخاصة بها ابتسمت له ثم اغلقت الباب  وغادر  المكان