عبدالرحمن.. شوفت البنت اللي اسمها هيام
مروان .. ايوا
عبدالرحمن.. إيه رأيك فيها
مروان بسخريه .. حلوه بس انا مالي يعني هتجوزها ولا ايه
رد عبدالرحمن ببرود .. ايوه
مروان.. ايوه ازاي يعني
عبدالرحمن.. أنا بقولك هتتجوزها ايه الغريب بنت مؤدبه ومحترمه وعسوله كمان
مروان.. وأنا مالي بكل ده انا عايز واحده اكون بحبها
عبدالرحمن ببرود.. هتحبها بعد الجواز
وقف مروان من مكانه بانفعال.. هو في ايه يا جدو انا عملت ايه سايب الشباب كلهم وجاي عليا عايز تجوزني ما الاكبر منى لسه
عبدالرحمن.. بس محترمين مش زيك
رد عليه الاخر بسخريه.. والله وانا بعمل ايه يعني بشقط بنات كل يوم
وقف عبدالرحمن وتوجه اليه ثم اقترب منه وتحدث بنبره هادئة لا تحتمل النقاش.. انت عارف كويس جدا انت بتعمل ايه واحب اقولك رصيدك من الستر خلص وربنا كشف قدامي كل القاذورات اللي بتعملها سواء بنات او شرب ويعالم بتعمل ايه كمان لسه هعرفه
صُدم مروان بشده مما يسمع شعر وكأن الأرض تدور حوله فكيف يعلم جده عنه كل هذه الأشياء بالتأكيد خجل امامه وانزل رأسه للاسفل
عبدالرحمن.. ايه مكسوف منى ومش مكسوف من ربنا انت ايه معندكش ضمير ولا هو عشان انت معندكش اخوات بنات قولت روفان وتولين ما يولعوا بقا
هز رأسه بنفي.. لأ لأ والله أنا طول عمري شايفهم اخواتي
سكت عبدالرحمن قليلا ثم صدمه بسؤاله الآخر.. شقة الزمالك دي حد دخلها
مروان.. حد ححدد م مين يعني
- انطق
مروان.. مرتين بس
تفل عليه عبدالرحمن.. يا زباله يا وسخ رايح تغضب ربنا في المكان اللي جايبهولك تعيش فيه في المستقبل ما اخواتك كلهم عندهم شقق اشمعنا انت هااا انت طالع لمين يلااا
مروان.. أنا آسف ياجدو والله العظيم بقالي فتره كبيره بعدت عنهم وبقيت ب..
عبدالرحمن متجاهلا باقي حديثه.. اسمع الشقه دي هتتباع وهشوفلك واحده تانيه ومش هتاخد مفتاحها الا يوم فرحك والبنت اللي قولتلك عليها هتتجوزها
مروان.. بس
خرج عبدالرحمن من المكتب ولم يعطيه فرصه للكلام
بعد قليل توجه مروان للاسفل مره اخري ثم الي سيارته وخرج من المنزل بأكمله يشعر بضيق شديد يجتاحه
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
