عاد مروان من العمل وذهب لغرفته لم يجد هيام توجه ناحية المرحاض ليبدل ملابسه ثم تسطح علي الفراش فهو لم ينم جيدا ليلة أمس في حين أن هيام كانت تجلس مع رهف والدة مروان في الحديقه الخلفيه للمنزل أمام المسبح ويتبادلون الحديث
رهف.. هو انتي ومروان مش ناوين تفرحونا بحفيد بقى بقالكم كام شهر متجوزين
ضحكت هيام بخفه.. مستعجله ليه يا ماما لسه بدري بكرا تزهقي مننا ومن عيالنا
ربتت رهف علي كتفها.. والله العظيم ابدا انا نفسي البيت كله يبقي عيال صغيره انا بحب الاطفال اوي وخاصة البنات لان ربنا مرزقنيش ببنت
هيام.. انا موجوده وتولين وروفان وكلنا جمبك وزي بناتك بالظبط
رهف.. اكيد طبعا ده انتوا كلكم حبايبي عارفه انا نفسي في ايه الواد تميم المعقد ده يبقي فرفوش زي اخواته كده ويطلع من جو الكآبه والغموض ويتجوز نيروز انا بحسهم لايقين علي بعض أوي صح
وافقت هيام علي حديثها.. بصراحه أيوا ونيروز هاديه وطيبه بس منعرفش اذا كان هما بيفكروا في كده ولا شايفين انهم اخوات
رهف.. مش عارفه ربنا يجيبها من عنده بقى وراكان لسه بدري عليه ومروان الحمدلله خلصنا منه
ضحكت هيام مجددا.. هو للدرجادي كان مغلبكم كده
رهف.. ايوا بجد مروان عقل كتير بعد الجواز هو مكنش كده خالص كان صايع هو مش ابني اه بس والله انا ماربيته معرفش طالع لمين ده وكل يوم في مكان شكل وكليته مش عايز يتخرج منها والادهى انه كان مصاحب بنات بس انتي شكلك كده علمتيه الادب خليكي وراه اوعي تسيبيه هيرجع زي ماكان واحنا ماصدقنا بعد عن السكه دي
شردت هيام قليلا وهي تتذكر ذلك اليوم الذي عاد فيه بوقت متأخر وكانت حالته غير طبيعية وكأنه شرب شيئاً ما فقالت بصوت مسموع.. يعني هو انا لو تجاهلته هيرجع للسكه دي تاني وللبنات تانى يا ماما
رهف.. انا عارفه انه مكنش ينفع اقولك حاجه زي كده عشان متزعليش بس لما تكوني عارفه وواعيه للي قدامك هتعرفي تتعاملي معاه واسلوبك هيتغير عشان كده قولتلك انتي زي بنتي ومرضاش ابدا انه يعمل اي حاجه تزعلك في يوم من الايام فهمتي انا قصدي ايه
اماءت هيام وقالت.. ايوا فاهمه حضرتك
قامت رهف من مقعدها .. انا هدخل عشان القعده وجعت ظهري والجو برد اوي تعالي اطلعي انتي كمان زمانه رجع من الشغل
قامت هيام معها وتوجهوا ناحية المنزل سويا وكل منهم ذهب لغرفته
دخلت الغرفه وجدته نائم بعمق علي الفراش فعدلت الغطاء عليه وجلست في الشرفه تفكر في كلام رهف واخذها الوقت حتي فاقت علي صوت سياره بالاسفل وماكانت سوي سيارة تميم
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥