حماده بصوت عالي وهو بينهج اثر ركضه علي درجات السلم.. ماما الحقي لين قاعده بتعيط وزين خرج وهو خالع القميص شكله عملها حاجه
سوسو ومنى بصدمه: ايييه!
طلعوا جرى على فوق
سوسو بخوف .. بنتى حبيبتي يا قلب ماما عملك ايه
منى.. مالك ي لين ايه اللى حصل
لين بتعيط ومش عايزه ترد علي حد زين دخل وهو مستغرب تجمعهم وهي بتعيط في النص
توجهت والدتها تجاهه واردفت .. انطق يا قليل الادب عملتلها ايه انا غلطانه اني مسمعتش كلام بنتي واجبرتها توافق عليك الخطوبه دي مش هتكمل
منى بخزي .. مكنتش اتوقع يحصل منك كده يا زين اخص عليك
زين قلق من كلامهم ودموع لين .. في ايه ؟ أنتم بتقولو ايه انا معملتهاش حاجه وانتي بتعيطي ليه انا جيت جمبك
حماده.. لا انت كداب انا طالع وانت خارج من هنا ولين بتعيط
زين لسه هيدافع عن نفسه
سوسو برجاء .. مالك يا لين انطقي عملك ايه الواد ده قولي ياحبيبتي متخافيش هناخدلك حقك منه
لين بتمسح دموعها وهي بتبصله بانتصار... مفيش يا ماما بس العصير كان مسكر وكده الدايت باظ
منى فتحت فمها بصدمه ثم اجابت بتلقائيه لا تتناسب مع طريقتها في الحديث .. نعم يختى!!
سوسو بإحراج شديد... عصير!!! الله يهبلك روحي دايت اى ونيلة ايه علي دماغك خليتنا نغلط فيه ثم وجهت نظرها لزين بخزي أنا اسفه يابنى بس حماده نزل يقول انها بتعيط وانت خالع القميص تفكرينا راح بعيد والله
زين فضل ساكت .. شكلهم عيله مجنونه كلهم 🙁
سوسو مسكتها من ايدها بعصبيه.. يلا قدامي خلينا نمشي
منى .. والغدا ؟
سوسو .. معلش متعوضه انا اسفه مره تانيه
مني.. متعوضه ايه بس لا محصلش حاجه لكل ده احنا هنتغدي سوا
سوسو كانت في نص هدومها بسبب عملة بنتها.. معلش يا مني خليني علي راحتي
مني اتفهمت الوضع.. تمام يا حبيبتي اللي تشوفيه
لسه هيمشوا وقفهم صوت زين.. استنى
كلهم بصوا ليه
زين.. الملزمه اللى وقعتى عليها الميه دى عندي امتحان بكرا على الدروس اللى فيها
لين بغباء .. وانا اعملك ايه اجى امتحن بدالك
.. مش وقت هزار
سوسو.. خلاص يا زين هصورهالك واجيبها أنا
تحدث ببرود وهو ينظر في عيونها بتحدي .. لا هى هتيجي تنقلها كلها دلوقتي في كراسه
لين بدون مقدمات .. وحياة امك دا أنا بكسل اكتب الواجب هنقلك ملزمه كامله .. سورى ي طنط منى
منى.. لأ ويهمك
قعد علي الكرسي .. معنديش كلام تاني غير ده اخلصى
سوسو حاولت تنهي الموضوع .. يابنى كده هنتأخر
زين .. هبقي اوصلها ي طنط اتفضلى انتى وماما هتفضل معانا متخافيش
ملقتش مخرج منه فقررت توافق وتنهي احراجها من الموقف ،، ماشي خلى بالك منها يا منى
لين .. يا ماما انتى ي وليه استنى اكتبي بدالى شويه حتى .. مشت
.. اخلصى
لين.. يلعن شكلك بارد ورخم وتنح
منى ضحكت عليهم وقالت هروح اوصل مني للباب وجايه
________________________________
كتبت صفحه ومش قادره .. خلاص تعبت الغوا رحلتى
زين قام من مكانه متوجه للمكتب بص ف الورقه .. اى الخط المعفن ده وقام قاطعها ورماها
لين..ااااه حرام عليك انا تعبت فيها
قعد تاني وهو بيحرك مكعب الالوان في ايده بكل هدوء... مش عاجبنى خطك
كانت بتهمس بصوت هادي .. انا اللي جبته لنفسي كان لازم اكب الميه منك لله وفضلت تدعي عليه
كان قاعد مركز معاها وهى بتكتب ومتأكد ان ايدها وجعتها
راح مسك الكراسه بيقلب ف الصفح وماسك الورقه كأنه هيقطعها راحت جرى عليه مسكت ايده .. لأ والنبي وحياة عيالك انا تعبت والله
بعد عنها .. يلا عشان اروحك
لين .. بجد ياااه والله البيت وحشنى
طلع مذكرة من المكتب .. على فكره معايا نسخه تانيه منها
لين.. يابن ال.... وسايبنى اكتب من ساعتها
زين.. هاا هتغلطى تاني ؟
لين.. ههه بهزر معاك يسطا
زين .. يلا عشان تبقي تتعلمى الادب بعد كده يا اي؟!!
لين .. قصدك انى قليلة الادب يسطا ايه مبتسمعش كمان
زين.. على فكره أنا مش مضطر اعيد الخناقه من تاني اخلصى عشان ورايا حجز كوره والله لو مش عيب كنت خدت تقعدي علي الدكه ما نتي بتقولي يسطا مفرقتيش عن عماد صحبي
لين بضيق.. طيب يلا ربنايخلصني منك بقي
________________________________
وصلها البيت وطلع معاها وهما واقفين عند الباب سمعوا صوت زعيق جاى من جوا
يعني ايه هتتجوز ده على جثتى انتى عارفه انى بحبها من زمان بتتصرفي من مزاجك ليه
ردت الاخري بصوت عالي نسبيا.. وهى مش بتحبك ابعد عنها بقا وسيبوا بنتى تعيش حياتها كل حاجه تحكمات من يوم ما ابوها مات ايه ملناش رأي واه بمزاجي انا أمها وانا اللي اختارلها وانت لو هتموت قدامي كده مش هوافق تاخد بنتي يا وائل فهمت ولا اقول تاني
رد عليها بعصبيه لا ملهاش رأي واللي اقوله يتنفذ دي حتة عيله لا راحت ولا جت أنا هعرف اتجوزها بمعرفتى بكرا تندمى ......
يتبع
متنسوش الفولو والڤوت يا قمرات♥
ČTEŠ
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
