دخل مروان غرفته وتسطح علي السرير ينظر للسقف ويتذكر عندما اقترب منها وتوترها الزائد والحمره التي كست وجهها جعلته يبتسم حينما تذكر شكلها لكن سرعان ما اختفت تلك الابتسامة عندما ادرك انها دفعته بعيدا عنها وكأنه شئ قذر فاعتدل في جلسته مضيقا حاجبيه ويحدث نفسه.. هي شايفاني ايه يعني عشان تزقني كدا انا غلطان انى قربت منها وسمعت كلام الزفت لؤي من الأول
نظر تجاه الباب وسمع خطواتها وهي تدخل غرفتها وتغلق الباب .. حتى مش هتيجي تعتذر
نظر لنفسه في المرآة وابتسم بسخرية ثم نام وجذب الغطاء عليه بسبب برودة الجو
ـــــــــــــــــــــــــــــــــــــــــــــــــــــــــــــــــــــــــــــــــــــــــ
صعد الشباب كل منهم الي غرفته وكذلك الفتيات
جلست روفان في غرفتها وبعد ان مددت جسدها علي السرير وجذبت ذلك الغطاء السميك حتي يدفأها من البرد وجدت هاتفها يرن جذبته ثم قرأت الاسم لتجده معاذ ابتسمت ولم ترد عليه
وجدت اشعار في برنامج الواتساب اثر رساله منه .. مبترديش ليه يرضيكي انام وانتى زعلانه منى
قرأت الرساله ولم ترد عليها أيضاً لتجد رساله اخري.. علي فكره هجيلك والله العظيم اجي دلوقتي ومش هيهمني حد
رن الهاتف فأجابت هذه المره .. تيجي فين انت عبيط !!
معاذ.. مقبولة منك ياروحي
اغمضت عينيها وتنهدت.. معاذ
رد عليها بصوت رجولي متحشرج .. ايه يا حبيبي
لعنت نفسها انها نادته ليرد عليها بتلك الطريقة التي اشعرتها وان قلبها سيخرج من مكانه
معاذ.. قولي سامعك
روفان.. انت مش هتقولهم بقا انك ابن عمي عمر لغايه امتي هتفضل مخبي
معاذ.. انا مش مخبي انتى وزين عارفين ولما الاقي ماريا قولتلك هعرفهم
روفان.. وافرض ملقتهاش هتفضل بعيد كده هتفضل مجرد صاحب زين بس
معاذ.. ممكن اكون نسيب العيله برضو
ردت عليه بدهاء.. يعني هتتجوز نيروز
اغمض عينيه بقلة حيله ثم رد عليها.. لا هتجوز تيته اروي انا بحبها اوى اوى من يوم ما عرفتها بس هي مش ملاحظه كده خالص
شعرت وكأن الموضوع يبدو غير منطقي.. ازاي انت بتهزر صح؟
معاذ.. انتي قولتي مره ان شباب العيله كلهم اغبيا والوضع مكنش عاجبك شوفتي بقي ان من عاب ابتلي بقيتي زيهم
روفان.. كمان بتقولي غبيه دا انت لسه مصالحتنيش
معاذ.. بس اللحمه كانت جامده بجد والله سناني وجعاني بس المهم دلوقتي انتي ايه خلاص مفيش اي احساس كده ولا انتي بتستعبطي
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
