انتهى ريان من عمله وشعر بالارهاق حقا فقد كان الاقبال كثير جداً بالرغم من انه اليوم الاول لافتتاح العياده
خرج من غرفة الكشف بعدما نزع البالطو الطبي والكمامه والقفازات نظر امامه ليجد ميسون تقابله بإبتسامة
ميسون.. عمل موفق يا دكتور
ريان.. شكرا ليكي اكيد تعبتي انتي كمان النهارده
ردت عليه بإمتنان.. أبداً ده انا يدوب بقطع الكشف امال حضرتك تعمل ايه ربنا يقويك
ريان.. يارب يا ميسون اتفضلي انتي خلصنا كده النهارده
ميسون.. حاضر خديجه بس هتطلع ونمشي
هز رأسه بإيجاب ودخل مكتبه ليأخذ اغراضه
خرجت خديجه بعدما ابدلت ملابسها وكانت اثار الحزن علي وجهها
ميسون.. مالك في ايه
جذبتها من يدها للخارج قائله .. امشي بس عشان منتأخرش اكتر من كده
توقفت ميسون.. يابنتي اصبري الدكتور لسه هيمشي واقفل العياده
خديجه.. طيب انا هروح توجهت للخارج وتركت ميسون علامات الحيره على وجهها
خرج ريان والقي السلام على ميسون ثم توجه لسيارته
كانت تقف موليه ظهرها له تنتظر الباص حتى تعود للمنزل ادار محرك السياره وتوجه للمنزل
أما ميسون خرجت سريعا بعدما اغلقت العياده على أمل ان تجد خديجه وبالفعل وجدتها.. في ايه يابنتي ما كنا هنخرج سوا وبعدين معيطه ليه هو الدكتور زعلك في حاجه
هزت رأسها بنفي.. لا جوز أمي اتصل عليا وزعقلي وقعد يشتم زي ما انتي عارفه عشان اتأخرت
تنفست ميسون بغضب.. ابن ال هو الراجل ده عايز منك ايه مانتي مبتاخديش منه جنيه امال لو بيصرف عليكي وبعدين انتي بتحطي كلامه في دماغك ليه
خديجه.. شتمني كلام وحش وقالي يا صايعه ماشيه علي حل شعرك وشغاله مع راجل لوحدك لبعد العشاء
عضت ميسون علي شفتها بغضب.. اه يا راجل يا زباله يابت سيبك منه اللي فيه حاجه بيشوف النااس كلها زيه المهم انتي عارفه نفسك كويس وامك ياعيني لو كانت ست ليها كلمه كانت دافعت عنك
ردت بحزن.. ليها كلمه ايه بس دي بتيجي تحوش عني بيضربها منه لله انا نفسي اقف علي رجلي بس واقدر اني اعيش مستقله بنفسي وقتها والله لاطلقها منه ونعيش لوحدنا حسبي الله ونعم الوكيل في خالى لما بابا مات مستحملش يتكفل بينا وغصبها تتجوز ابن الكلب الخمورجي ده
ربتت ميسون على كتفها.. ربك هيفرجها من عنده ولو عملك حاجه ولا مدخلكيش البيت تعالي باتي عندي
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
