كان يجلس عبدالرحمن بجواره لمار والدة زين وحسين جده لأمه وأيضا أنس خاله في صالة المنزل الذي استأجره زين بجوار الفيلا الخاصه بهم
قبل مجيئهم بساعات تقف نيجار أمام المرأة بعدما رحلت نيروز التي ساعدتها في اختيار زي مناسب وقامت بتغيرر هيئة شعرها ليصبح من الكيرلي الي الناعم وضعت القليل من مساحيق التجميل لتخفي اثار الشحوب عن وجهها نظرت لنفسها وابتسمت هي لا تنكر انها في اقصي مراحل سعادتها الان لان زين سوف بتقدم لخطبتها لكن هناك شيء ما بداخلها حزين وهو ان كل فتاه تحتاج لعائلتها لي مثل هذا الوقت وهي هنا وحيدة تماما
طرقت أروي علي باب الغرفه وسرعان ما انفرجت اساريرها عند رؤيتها.. الله شكلك عسوله اوى ربنا يحرسك
تقدمت منها ثم دنت تلتقط يدها وقبلتها بحب.. انا أسفه يا تيته عشان مكنتش معاكي الكام اللي فاتوا بس كنت محتاجه افضل لوحدي
أروي.. وانا متفهمه ده ومش زعلانه بس كنت هزعل بجد لو رفضتي زين يلا بينا دلوقتي عشان نروح بيتك
استغربت حديثها وقالت وهي تنظر حولها.. اروح بيتي فين؟
شرحت لها أروي الوضع قائلة بهدوء.. بصي اول مره شافوكي فيها انا فهمتهم انك جارتنا وبتيجي تزوريني كل فتره اجرت شقه قريبه من هنا عشان تفضلي فيها الشهر ده وبعد كده محدش هيهمه اي حاجه ولا هيسأل علي حاجه هتكوني اتجوزتي زين وعايشه معانا زي ما انتي بالظبط ايه رأيك
ترقرقت الدموع في عينيها ثم احتضنها .. انا مش عارفه اقولك ايه والله يا تيته انتي مفيش منك بجد كل ده عشان شكلي قدام عيلة زين ميبقاش وحش انا مش عارفه ايه الحسنه اللي عملتها في حياتي عشان ربنا يرزقني بيكي
ابعدتها أروي قائلة بتأثر.. خلاص بقي عشان مزعلش منك ايه الكلام ده هو انتي غريبه ربنا يعلم من يوم مادخلتي هنا وانا بعتبرك من اهل البيت يلا عشان نمشي هما اكيد علي وصول
سارت خلفها وهي تمسح الدموع عن وجهها
خرج زين من غرفته وهو يمسك بقميصين كلاهما أسود اللون قائلا بتساؤل..بقولك يا رورو هو اي واحد في دول أحلى
دارت نيجار وجهها سريعاً وهي تقول بارتباك انا هستناكي تحت يا تيته
نزلت وقال زين بصوت وصل لمسامعها جعلها تضحك خلسة.. ها يارورو اي واحد احلي عشان ملبسهوش
أروي.. انت مش هتبطل عمايلك دي وبعدين ايه خارج كده من غير تيشرت ما تحترم اللي معاك في البيت
حك مؤخرة رأسه قائلا.. اسف بس مكنتش اعرف انها خارجه معاكي
نظرت هي ليده قائلة .. ما الاتنين اسود ايه الفرق البس أي واحد انت كده كده بتحلي اي حاجه تلبسها
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥