زين.. نيجار وانا مالي ومال نيجار يا ماما وبعدين انتوا عرفتوها منين اصلا
لمار بنفس الابتسامة.. تيته عرفتنا عليها وقالت انها بنت جاره ليها هنا وبتبقي تيجي تقعد معاها
نظر زين لجدته فهي كذبت عليهم واتقنت الكذبه فوجدها تبتسم له بفخر
لين بنبره مضحكه.. واحنا يا عيني بنقول الواد علي طول قاعد عند جدته ليه اتاري بنت الجيران شاغله باله
ابتسم زين بسخرية.. اه قولوا بقا ان انتوا جايين تتسلوا عليا
رحمه.. معلش ياحبيبي هما مش لاقيين لهم شغلانه
ريناد.. حوش البت المشغوله
ضحكت اروي علي حديثهم .. الواد اتحرج بطلوا بقا ها يا روحي فطرت ولا لسه
زين.. الحمدلله فطرت قبل ما اجي مع الشباب هناك بس المكان حلو اوي يا تيته وطنط فاتن ربنا يحفظها محتاره تعملنا ايه والله
رهف.. الست دي طيبه جدا هي وعيالها والله حتى هيام بتعتبرها مامتها
زين.. هي تستاهل كل خير بصراحه
لين.. المهم دلوقتي هاتخطب البنت ولا لا
قام زين من مكانه في استعداد الذهاب لغرفته.. لما يامن وريان يخطبوا الاول ياعمتو انا مش بفكر في الموضوع ده
لمار.. ليه يازين مش هنفرح بيك بقى ماشاء الله البنت عسوله وهاديه خالص ما تفكر في الموضوع كده
زين.. ان شآء الله بعدين
ريناد.. خلاص متضغطوش عليه يا جماعه هو حر في قرارته
زين.. قولي لهم يا طنط محسسيني اني بنت وهعنس ده كلهم 23 سنه يعني
اروي.. انا هقنعه خلاص خلوا الموضوع عليا
نظر لها زين بقلة حيله ثم استأذن منهم وتوجه لغرفته ليأخذ حماما دافئا ويبدل ملابسه
بعدما انتهي وخرج من المرحاض وجد هاتفه يضئ بإسم معاذ رد عليه وهو يتوجه الي شرفة الغرفه
معاذ.. ايه يابني قلقتني رنيت عليك مرتين
زين.. كنت باخد دش ايه الاخبار عندك
معاذ.. تمام قاعدين في الصاله بيلعبوا دومينا وانا خرجت البلكونة اكلمك
زين.. ماشي انا هاجي ع المغرب كده هنام شويه ولما اصحي بقا هاجي
معاذ.. انت ايه الدنيا عندك شوفت باسم ولا لسه
زين.. لأ مدخلتش عنده وانا ماشي عشان ماما والجماعه عندنا جايين يشوفوا تيته
معاذ.. اااوف ونيجار كانت عندك؟
زين.. ايوا وتيتيه قالتلهم بنت واحده جارتها واهي قاعده في الجنينه
YOU ARE READING
زواج أطفال
Romanceطالبان بالصف الثالث الثانوي ولكن الحياة اجبرتهم علي الزواج في سن مبكر هل سيكون لهم نصيب من الحب ام هناك بعض العوائق في الرواية هنلاقي مود من الدراما والكوميديا والحزن وهتكمل معانا لعيال عيالهم انجوووي يا حلوين ????♥♥
