REBEL Desire

Chapter 65

ARMIE POV

"Hoy Couz puro ka nalang kain jan" sita sakin ni Diane pagkapasok na pagkapasok niya sa kwarto ko.

"wag ka ngang makialam" singhal ko naman.

"ganyan ba ang gawain ng broken hearted?dinadaan sa pagkain ng kung anu-ano?" sabay tingin niya sa kinakain kong saging na sinasawsaw ko sa chocolate ice cream.

"shut up Diane" sabi ko at inirapan siya. Ilang araw na rin siyang naglilitanya sakin ng ganyan.

"O baka gusto mo pa nito" sabay abot niya sakin ng Tupperware.

"ano to?" tanong ko.

pagkabukas ko amoy ko kaagad ang bagong lutong pansit canton na sa itsura pa lang yung extra hot na ang flavor at may kasama pang boiled egg. Agad ko tong tinakpan at ibinalik sa kanya.

"ayaw mo?" tanong niya.

"ayoko yung amoy" reklamo ko.

"hoy bagong luto yan ang sarap nga ng amoy. Hawakan mo yung Tupperware, mainit init pa. kainin mo na agad. Alam mong di masarap yan pag lumamig na. "

"amoy panis" reklamo ko

"kelan pa napanis ang pancit canton?" sabi niya sabay bukas at amoy.

"hoy takpan mo nga yan" reklamo ko.

"ang OA mo, okay naman ah, kahit yung itlog hindi naman sira" sabi niya

"e basta ayoko. Ikaw na lang kumain nan kung gusto mo"

"wow ha? Kelan ka pa may inurungan pagkain? And take note pancit canton to. Diba favorite mo to, lalo na tong extra hot, kaya ko nga niluto para sayo eh. Tas gaganituhin mo lang."

"e iba ang amoy eh, baka expired na yan" sabi ko naman.

"hindi nga eh" inis ng sabi nito "ito nga ang una mong pinaluto sakin nung dumating ka ng Pinas eh. Tapos ngayon biglang ayaw mo na. choosy ka pa?" Sabi niya pa.

"baboy kaya unang pinaluto ko" sabi ko.

"sila tita ang nagluto nung baboy mo, ako sa pancit canton na pinilit mo pang pabilhan ako kasi origal flavor lang ang meron dito nung dumating ka."

Oo nga pala nung galing akong Dubai andame kong pag-kaing gustong kainin, 3 years din ako dun ah. Actually every year naman pwede akong umuwe, ang kaso sinagad ko ng 2 years contract ko para 2 months ang bakasyon ko.

"malapit ng matapos ang dalawang buwan mong bakasyon pero nakamukmok ka lang dito sa condo simula ng dumating ka from Ilocos. Hindi ka lalabas kung di ka namin pipilitin. Pamilya mo nga dinadalaw ka na dito Makita ka lang. ano bang problema?"

"wala ako sa mood couz okay? Pagod ako." sabi ko.

"takte ka naman Armie, maghapon ka na ngang walang ginagawa pagod ka pa? e kain tulog ka lang naman dito. aba iba pala ang epekto ang 5 days trip mo with Navi. Lagi kang pagod."

Sinamaan ko naman siya ng tingin. It's been what? Almost a month? Actually it's a month,2 weeks and 3 days simula ng trip namin sa Ilocos and we never contacted each other since then. Aside stempre from the videos and photos i sent which only the word thanks na reply galing sa kaniya

We said our goodbyes sa airport at yun na yun. Hindi niya na ko kinontact at ganun din ako. It's better this way.

"sulit na ang gala ko sa limang araw na yun. And wala akong balak mag party-party" sabi ko nalang.

Hindi ko rin alam kung bakit ako ganito. Part ng moving on siguro dahil nung unang punta ko ng Dubai mag-iisang taon ata bago ko naisip mag-hanap ng work. Ganito din ako noon, nakapirmi lang sa bahay wala ng ginawa kundi umiyak at magmukmok. Kabaliktaran ngayon na mag movie marathon at kumain ang ginagawa ko.