သစ်ပင်များ အုပ်ဆိုင်းနေသော တောတွင်းတနေရာ၊ တစ်နည်းအားဖြင့် မြွေမျိုးနွယ်စု စခန်းချရာနေရာ။
"သတင်းပို့ပါတယ် Tora ခေါင်းဆောင်က ရဟတ်ယဥ်နဲ့ ဆင်းလာတယ်လို့ ကြားပါတယ် "
"ဘာ!!! "
"ပြီး ပြီးတော့ တိုက်ပွဲက ကျွန်တော်တို့ မျိုးနွယ်ဘက်က ပူးပေါင်းပြီး တိုက်ပေးတဲ့သူတွေလည်း အကုန်ကျကုန်ပါပြီ "
"တောက်! Bright ဆိုတဲ့ကောင်က သိပ်အစွမ်းထက်နေတယ်ပေါ့ "
မြွေမျိုးနွယ်စုရဲ့ ခေါင်းဆောင် ဖြစ်ဟန်တူသူက ပြောလာတဲ့စကား။ တစ်ခြားသူတော့မဟုတ်။ဆေးရုံမှာ ဆရာဝန်လေး ကြည့်ပေးခဲ့တဲ့ အစာအဆိပ်သင့်တယ်ဆိုတဲ့ လူနာပင် ဖြစ်၏။ ဆေးရုံကို တက်နေရတဲ့ အကြောင်းအရင်းကလည်း ဆရာဝန်လေး လာမယ်ဆိုတာ ကြိုသိထားတာကြောင့် ဖြစ်ကောင်းဖြစ်နိုင်လိမ့်မည်။
"အဟက်! ငါတို့ဆီမှာ အဖိုးတန်လေး ရထားတာဘဲ "
"ဘာလဲ "
"ဟိုမှာလေ ဆရာဝန်လေး Win က ခေါင်းဆောင်ရဲ့ ကြင်ယာဖက်ဘဲ "
"အဟက်! "
Ring နဲ့ ထိုသူက Win တို့ဘက်ကို ကြည့်ကာ အပြန်အလှန် ပြောနေကြတဲ့စကား။ နောက်ထပ်ရောက်လာတဲ့ တစ်ခြား မျိုးနွယ်စုဝင်တွေက တစ်ခုပြီးတစ်ခု တင်ပြပြီးတဲ့အချိန်မှာတော့ မျိုးနွယ်စုခေါင်းဆောင်ရဲ့ မျက်နှာဟာ တဖြေးဖြေးမိုးမှောင်ကျလာတော့၏။ထိုသူက Ring ရဲ့ လည်ပင်းနားက အင်္ကျီစကို ကြမ်းကြမ်းတမ်းတမ်း ဆွဲကိုင်ကာ
"တောက်! Ring မင်းပြောတော့ မျိုးနွယ်စုအကြောင်း သိပါတယ်ဆို အခုတော့ ဘယ်လိုဖြစ်ရတာလဲ "
"အဲ့ဒါက အဲ့ဒါက "
မြင်တွေ့နေရတဲ့ အခြေအနေတွေကြောင့် ဆရာဝန်လေးမှာ ဒီလူတွေ တစ်ခုခု ဖြစ်နေပြီမှန်း ရိပ်မိလိုက်ပြီ။ သေချာပေါက် ရှုံးနိမ့်ကြတာ နေမှာပေါ့။ အခုမှ သွေးပျက်နေကြတဲ့ အခြေအနေ။ ကြည့်နေတဲ့ အချိန်အတွင်းမှာဘဲ ထိုခေါင်းဆောင်က Ring ကို ဆွဲကိုင်ထားရာကို လွှတ်ချကာ ဆရာဝန်လေးတို့ ဖမ်းချုပ်ထားရာဘက်ကို ခြေလှမ်းကျဲတွေနဲ့ လျှောက်လာ၏။သူလာရာ လမ်းတစ်လျှောက်မှာလည်း မြွေနှစ်ကောင်က လူးလွန့်ကာ ပါလာ၏။
VOCÊ ESTÁ LENDO
ချစ်ခွင့် (ခ်စ္ခြင့္) /COMPLETE/
Fanficချစ်ခွင့်မရရင်တောင် သံသရာအဆက်ဆက် မင်းနဲ့ ဆုံတွေ့ချင်ရုံ 💗 ခ်စ္ခြင့္မရရင္ေတာင္ သံသရာအဆက္ဆက္ မင္းနဲ႔ ဆုံေတြ႕ခ်င္႐ုံ 💗
