"မေမေ ကိုကိုက ဘာဖြစ်လာတာလဲ "
"မသိတော့ပါဘူး သားငယ်ရယ် ပြန်ရောက်ထဲကဘဲ စကားလည်းမပြော မေးလို့လည်း မရနဲ့ "
"အသည်းများကွဲလာတာလား "
"သွားတာ ဘယ်လောက်ကြာသေးလို့တုန်း သားငယ်ရဲ့ "
"အင်းနော် သား သွားမေးကြည့်အုံးမယ် "
"မေးကြည့်ကြည့်ပါအုံး သားရယ် "
Mick တစ်ယောက် ပြန်ရောက်ထဲက တစ်မှိုင်မှိုင်တထွေထွေ ဖြစ်နေတဲ့ အစ်ကိုဖြစ်သူ တိကုဆရာဝန်လေးရှိရာ အခန်းဆီသို့ တက်လာခဲ့လိုက်၏။
"ကိုကို "
ပြတင်းပေါက်မှာ မတ်တပ်ရပ်ကာ ငေးနေတဲ့ ကိုကိုက သူ့ခေါ်သံကို ကြားပုံမပေါ်။
"ကိုကို "
"ဟင်! "
"ဘာတွေ ငေးနေတာလဲ "
"ဘာမှမဟုတ်ပါဘူး "
"ငိုနေတာလား "
"ဘယ်သူက ငိုနေလို့လဲ "
"ကိုကိုလေ မျက်နှာပေါ်မှာ မျက်ရည်တွေနဲ့ "
အဲ့တော့မှ ရှက်ရွံ့ဟန်ဖြင့် မျက်နှာပေါ်က မျက်ရည်တွေကို ပွတ်သပ်ပစ်ကာ ကုတင်ပေါ် သွားတက်ထိုင်၏။Mick သက်ပြင်းချရင်း အနားဝင်ထိုင်ကာ အစ်ကိုဖြစ်သူကို နှစ်သိမ့်ရတော့၏။
"ဘာဖြစ်လာမှန်းတော့ မသိပေမယ့် ကိုကိုရာ ကိုကို့ဒီလိုပုံစံက ကျွန်တော်တို့ကိုလည်း ပိုပြီး စိတ်မကောင်းဖြစ်စေတယ်လေ "
"ငါ့ဘာသာ ဖြစ်တာကို "
"ကိုကို့ဘာသာဖြစ်နေပေမယ့် မေမေဆို မကြည့်ရက်လို့တဲ့ "
"နားငြီးတယ် "
Mick ပါးစပ်ကလေးပိတ်သွားရ၏။တစ်သက်လုံး သူ ပေါက်ပေါက်ဖောက်သမျှ ခံလာရတာကို အခုနည်းနည်းပြောရသေးတယ် နားငြီးတယ်တဲ့။ကိုယ်ချင်းစာလေလို့ ပြောချင်ပေမယ့် ဝေဒနာခံစားနေသူကို မကြည့်ရက်တာမို့ ဘာမှမပြောလိုတော့။စိတ်ပြေလက်ပျောက် အပြင်ကို ခေါ်ထုတ်ဖို့ဘဲ တွေးလိုက်ရတော့၏။
"မြို့ပြင်က ကြာကန်မှာ ကြာပန်းတွေ ပွင့်နေပြီ သွားကြည့်ချင်လား"
YOU ARE READING
ချစ်ခွင့် (ခ်စ္ခြင့္) /COMPLETE/
Fanfictionချစ်ခွင့်မရရင်တောင် သံသရာအဆက်ဆက် မင်းနဲ့ ဆုံတွေ့ချင်ရုံ 💗 ခ်စ္ခြင့္မရရင္ေတာင္ သံသရာအဆက္ဆက္ မင္းနဲ႔ ဆုံေတြ႕ခ်င္႐ုံ 💗
