عيون النار داعش

بارت هدية والاخيررررر❤️

... اجمل هدية وذكرى عفتها يمي هي عبوسي ، تدري مشتاقه لسوالفك ، مشتاقه لخبالنا نص الليل من نروح للمزرعه ، مشتاقه للاكشن وشلون بين الطلق نركض ، مشتاقه لضحكتك ، والصوتك من تكولي ها يكحل عيني ...

... رافد اني تعبت ، صار قلبي نصين ، نص الك ونص العلي ، مشاعري مخربطه مااعرف بعدني احب علي لو احبك ، مرات افكر اكول اني ماحبيت رافد اني حبيت اهتمامه بيه وحمايته حبيت غيرته عليه ...

... عرفت هسه ان الانسان يكدر يحب اكثر من مرة ، وهاي شغله ايحب مرة وحده وميكدر يحب بعد جذبه ، رسموها كتاب الروايات الخيال ، لان قله قليله يضلون على ذكرى الحب الاول او يبقون على حب واحد ....

... يمكن اني تخبلت ، ومدا اعرف اني وين ، وليش ضايعه ، وماافكر بالمستقبل ، اخذت نفس وابتسمت ، احس بيك هسه انت يمي ، ادري انت هم مشتاقلي هواي ...

... اجه عبوسي ومسح دموعي ، كعد بحضني ، شفت هاي روحك صارت بعبوسي ، هل اجه مسح دموعي مثل ما انت جنت تسوي ومتقبل ابجي ، ليش حبيتني هلكد ، وخليت اثر بقلبي ورحت ...

عبوسي : بابا رافد يحبج بس لتبجين ...
سكينة : ابتسمت ودمعتي نزلت ، مابجي ، رجع مسح دموعي بديناته الصغار بسته من ايده ، مابجي هاهي ، اخذت نفس ، قريت قرأن ودعاء ، كوم خل نغسل قبر بابا ...

... وكفنه وغسلنا القبر ، بدت الشمس تغرب ، يله ماما نروح ، باوعت للقبر ، ادعيلي اكدر اعيش ، لزمت عبوسي ودفعت العربانه وطلعت للشارع اخذ تكسي ...

... رجعت للفندق بس مرتاحه ، حسيت قلبي مدري شبي ، مخربط ، عبالك مرتبك ، اتذكرت المبايل ، كبل فتحته اجتني كومه رسائل ، واتصالات من علي ابتسمت وجن شي دخل لقلبي فرحني حيل ، مضمون الرسائل ....

...اول رسالة على حالة الاستوري ...
علي : 😳😳😳😳😳😳انتي بالعراق ...
.. سكينه جاوبيني ، صدوك انتي بالعراق ؟ ،
انتي وين بكربلاء ، بسرعه احجي ،
ليش ماعندج نت ،
ليش اخابر مغلق ،
بسرررعه جاااوبيني ، اني بالطريق جايج ...

سكينة : يااااا هذا جاي ، هههههه ، كبل دك تلفوني علي ، يمه قلبي رجف ، وكفت باب الفندق ، عبوسي ماما اللزم العربانه ، جاوبت الوو ها عليي، كبل جاوبني بلهفه وخوف علينه ...

علي : انتي وين ، ليش متجاوبين عليه ، ضل بالي عليج وعلى الجهال ، انتي وين كوليلي اني هنا بين الحرمين ، وينج ، صار نص ساعه ادور عليكم ...

سكينة : صلي على محمد واهدء ، شبسرعه اجيت لكربلاء ...
علي : لا سيطرة تلزمني ولا شي ، طرت بس شفت الاستوري مالتج ، انتي وين فهميني ...

سكينة : قريبه على الامام الحسين عليه السلام ، قريب شارع محمد الامين ، هسه جاينك ، دليته على طريقنه ، تمشينه اتجاه الامام ، عشر دقايق جان اشوفه صرنه وجه بوجهه وهو يدورنه بالوجوه وكف گبالي ، وعيونه دمعت تقدم بخطوات سريعه وكفت بوجهي ....