.... حتى الملابس جانت تجيهم جاهزه مناك تجهيز عسكري كامل بس بأسم داعش ....
الحاج المهندس : اني دائماً وابداً اردد هاي الكلمة على القنوات داعش وامريكا وجهان لعملة واحده ، يله ولدي اجهزوا ، ورجعوا لبيوتكم ....
طه : عبالي نخطب بيهم ،يله الالتحاق الجاي بأذن الله ...
الحاج المهندس : يجب ان اكون انا حاظراً ،لان استأنس بسماع محاظراتك شيخنا ...
طه : تدلل حاج انت بس اطلب اشبعك محاظرات ...الحاج المهندس : مثل مكتلكم ، انسحبو ، اني اعرف الامريكان راح يكومون يتقصدون يقصفون محاورنا ومعسكراتنا ، وبعدها يطلعون بيان يكولون اخطأنا ،
في امان الله ، ترجعون لبيوتكم سالمين غانمين بأذن الله ...ماجد : كلنا سلمنا على الحجي ، هو راح ، كعدنا كملنا اكلنا ، وحظرنا جنطنا ونزلنا ، بس طلعنا بوجهنه اني وآصف وطه ومعتز للمستشفى لان نسوانا هناك ....
علي الرضا : شنو اني ماجي وياكم ....
علي : اني هم اريد اشوف جنتي ....
آصف : هلا بيكم تعالو ، بس ندخل للمستشفى بهدومنا العسكرية ...ماجد : حريمنا هناك ، عجل بيش ندخل ، يله نتوكل راح ندخل بغداد ....
طه : اتوكل خوية للمستشفى ، خل نطمن على اهلنا ، لان اني زوجتي يكولن وضعها تعبان وضال بالي عليها ....علي : ان شاء الله مابيها شي ، كلنا وصلنا لمستشفى الراهبات ، دخلنا بملابسنا العسكرية عبالك مداهمه ،ههههههه ....
ماردين : دحكت ماجد اجه هو وجماعتو ، وكفت على حيلي ، بدي اروح احضنو لوما عيب ، اشرلي ادنك راسي، وكفت حدر امها المنسا ، وكف حدري وهمستلو ، شهل مفاجئة الحلوة ...
ماجد : والله على عين الجهال انلغى الهجوم ونزلونا ...
ماردين : الف الحمدلله والشكر ....طه : دخلت لغرفة امنه ، لكيتها نايمه ، باوعت بصفها الولد نايم ، شلته خليت راسي بركبته وشميته عطره ، هاي ريحة الجنه ....
.... اللهم صل على محمد وال محمد ، تضايق من لحيتي ، كام يبجي ، لك اسكت امك تعبانه نايمه امشي اخذك يم عمامك ....
ماجد : طلع طه وبيدو المولد كلنا التمينا عليه ، اللهم صل على محمد ...
علي الرضا : لكم هذا شكدوته ...
عباس : بس شيخنا هذا النسخه مالتك ....
علي : بس هذا عنده شعر شيخنا اكرع ...طه : ههههههه ، مبقى شي دخل نخلص الحرب الا ازرع ، واكوم اغوركم بشعري ...
معتز : انت شنو عندك جهاز استنساخ ، كلهم يشبهوك ، حتى بالكول ما شاء الله ، بله هذا طفل هسه جاي للدنيا ...... الكل ضحك ويصلون على محمد ....
ماجد : عجل سويتولنا واهسه انه ومعتز نخلف بعد ...
معتز : اي بالعباس ....
علي الرضا : لاتخلفون هواي تتندمون ....
عباس : لك هو اكو احلى من الخلفه ...
YOU ARE READING
عيون النار داعش
Mystery / Thriller#قصة حب و رعب وحرب و تضحية ماردين & سكينة&اسيل&ملاك&منسا&خديجة&حنين&ورود متابعه ممتعه .... الكاتبة:- فاطمة علي⚘🌷⚘
البارت السادس والخمسون
Start from the beginning