ဂန္တဝင်ဂိုဏ်းချုပ် အတွဲ (၂) Unicode

အပိုင်း ၂၁၈ : မျက်စိတစ်မှိတ် အတွင်းမှာ ပျက်စီးသွားခြင်း

တာအိုခြေလျှင် ခရီးသည် ပန်ကျဲဟာ ဟင်းလင်းပြင် ဘုရားကျောင်းရဲ့ အဆင့်အမြင့်ဆုံးနဲ့ အခက်ခဲဆုံး ကျမ်းစာတွေကို လေ့ကျင့်ထားခဲ့ကာ… အခြေတည်ဝိညာဉ် နောက်ဆုံး အဆင့်က ကျင့်ကြံသူတွေရဲ့ ထိပ်ဆုံးက ထိပ်သီးကျင့်ကြံသူ အနည်းငယ်ထဲမှာ တစ်ဦးအပါအဝင် ဖြစ်ပါတယ်။

ဒါပေမဲ့လည်း အခုတော့ သူဟာ လင်းဖုန်းရဲ့ ဓာတ်သဘာဝ စီးကြောင်းတွေနဲ့ ရင်ဆိုင်လိုက်ရတော့… သူ့ရဲ့ ကောင်းကင်နဲ့ မြေကြီးတို့ရဲ့ ပုံပန်းသဏ္ဌာန် နည်းစနစ်ဟာ… ဒီဓာတ်သဘာဝ စီးကြောင်းတွေရဲ့ ဖျက်ဆီးနိုင်မှုနဲ့ ကစဉ့်ကလျား ဖြစ်မှုတို့ကို မယှဉ်နိုင်ခဲ့ပါဘူး။

ပန်ကျဲဟာ လေးနက်တဲ့ အကြည့်မျိုးနဲ့ ကြည့်လိုက်ကာ သက်ပြင်းအရှည်ကြီး တစ်ချက်ကို ချလိုက်ပြီး… သူ့ရဲ့ ပုံရိပ်ဟာ ဘေးပတ်ဝန်းကျင်ထဲကို ဖြေးဖြေးခြင်း ဝိုးတဝါး ဖြစ်သွားကာ ပျောက်ကွယ်သွားခဲ့ပါတယ်။

ဒီလိုမျိုး ဝိုးတဝါး ဖြစ်သွားခြင်းဟာ ပန်ကျဲကို လင်းဖုန်း စေလွှတ်လိုက်တဲ့ အားကောင်းတဲ့ ဓာတ်သဘာဝ စီးကြောင်းတွေရဲ့ ဖျက်ဆီးမှုကနေ လွတ်မြောက်စေခဲ့ပါတယ်။

ဒီဓာတ်သဘာဝ စီးကြောင်းတွေဟာ ပန်ကျဲနဲ့ ထိတွေ့တော့မယ့် အချိန်မှာပဲ… သူရဲ့ ရုပ်ခန္ဓာကိုယ်ဟာ မှေးမှိန်သွားခဲ့ကာ နောက်ထပ်သီးသန့် ဒိုင်မန်းရှင်း တစ်ခုရဲ့ အထဲကို ယာယီရောက်ရှိသွားခဲ့ပြီး… သူ့ရဲ့ မူလနေရာမှာ ပုံရိပ်ယောင်လေး တစ်ခုကိုသာ ချန်ထားခဲ့ပါတယ်!

ဓာတ်သဘာဝ စီးကြောင်းတွေဟာ တည်ငြိမ်သွားခဲ့ပြီး သူ့ကို အန္တရာယ် မပေးနိုင်လောက်တော့တဲ့ အချိန်မှာသာ… ပန်ကျဲရဲ့ ပုံရိပ်ဟာ ပြန်လည်အသက်ဝင်လာခဲ့ကာ မူလနေရာမှာ ပြန်ပေါ်လာခဲ့ပါတယ်။

ဟင်းလင်းပြင် ဘုရားကျောင်းဟာ အကန့်အသတ်မဲ့ စွမ်းရည်တွေနဲ့ ပြည့်စုံတဲ့… အစွမ်းထက်တဲ့ မှော်ကျိန်စာတွေ အမြောက်အမြားကို သိမ်းဆည်းထားတဲ့ ကျမ်းစာကျောင်းဆောင်တစ်ခု ရှိပါတယ်။ အခုပန်ကျဲ အသုံးပြုလိုက်တဲ့ မှော်ကျိန်စာဟာ ရုပ်ကိုယ်ခန္ဓာ အသွင်ပြောင်းလဲခြင်း ပညာရပ်ကို အရင်ဆုံး နားလည်သဘောပေါက်ပြီး နောက်မှာ… သူ့ဟာ သီးသန့်ဒိုင်မန်းရှင်း တစ်ခုရဲ့ အထဲမှာ သူ့ကိုယ်သူ ကွယ်ဝှက်ထားနိုင်ခြင်းပဲ ဖြစ်ပါတယ်။