အပိုင်း ၁၂၅ : စစ်ဆေးမေးမြန်းခြင်း
လင်းဖုန်းဟာ သူ့ရဲ့ မဟူရာတိမ်တိုက် အလံနဲ့ အရှေ့ကနေ ဦးဆောင်သွားခဲ့ပြီး… ဝမ်လင်းတို့တတွေက ဖေးလျှန်ပေါ်ကနေ သူ့ရဲ့အနောက်ကို လိုက်လာခဲ့ပါတယ်။
မီးလျှံကျီးကန်း သခင်လေး အပါအဝင်… ကောင်းဖန်တို့ လေနတ်ဘုရားဂိုဏ်းက တပည့်လေးယောက်တို့ဟာ… မဟူရာ တိမ်တိုက်အလံရဲ့ အနက်ရောင် အလင်းတန်းတွေရဲ့ အထဲမှာ ချုပ်နှောင်ထားခြင်းကို ခံနေရတယ်လေ။
လင်းဖုန်းကလည်း မဟူရာ တိမ်တိုက်အလံရဲ့ လေဟာနယ် အတွင်းကို ဝင်လိုက်ပြီး… မီးလျှံကျီးကန်း သခင်လေးရဲ့ အရှေ့ကို ရောက်လာခဲ့ပါပြီ။
ဒီအချိန်မှာတော့ ဒီမိစ္ဆာဟာ မဟာလမင်း အကြွင်းမဲ့ရေကြောင့် ပြင်းထန်စွာ ဒဏ်ရာရနေခဲ့တာဆိုတော့… မဟာသူရိယ အကြွင်းမဲ့ မီးတောက်လေး တစ်စအပေါ်မှာသာ မှီခိုနေခဲ့ရပြီး… သူ့ရဲ့ အရင်က မောက်မာမှုတွေ.. ခက်ထန်မှုတွေဟာ ပျောက်ကွယ်ပြီးမှ သွားခဲ့ပြီလေ။
သူဟာ လူပုံသဏ္ဌာန်တောင် မဖန်ဆင်းနိုင်တော့ပဲ… မိစ္ဆာအသွင်နဲ့ပဲ နေခဲ့ရကာ လင်းဖုန်းက သူ့ရဲ့အနားကို ရောက်လာတာကို တွေ့လိုက်ရတော့… သူ့ရဲ့မျက်လုံးအစုံမှာ ကြောက်ရွံ့တဲ့ အရိပ်အယောင်တွေကို တွေ့နေနိုင်ပါတယ်။
"ဟေ့… မင်းကဘယ်သူလည်း? မင်းက ငါဆိုတာ ဘယ်သူများလည်း ဆိုတာကိုရော သိရဲ့လား?"
သွေးနထင်ရောက်နေတဲ့ ပုံမျိုးကို ဖမ်းထားခဲ့ပေမယ့်… တုန်ခါနေတဲ့ အသံကို ကြားလိုက်ရတော့ လင်းဖုန်းကလည်း မအောင့်နိုင်တော့ပဲ ရယ်လိုက်ကာ… "ဟားဟား… ငါကမင်းဘယ်သူလည်း ဆိုတာကို မသိပေမယ့်… မင်းရဲ့ဖခင်က မီးလျှံကျီးကန်း ဘုရင်ဆိုတာကိုတော့ သိပါတယ်ကွ… မင်းကငါ့ကို ဘာများ ခြိမ်းခြောက်ချင်နေသေးတာလည်း?"
ဒီစကားကို ကြားလိုက်ရတော့ မီးလျှံကျီးကန်း သခင်လေးဟာ ချက်ချင်းဆိုသလိုပဲ ငြိမ်သက်သွားခဲ့ပါတော့တယ်။ လင်းဖုန်းရဲ့ မျက်နှာမပျက်သွားပဲ တည်ငြိမ်နေတဲ့ အမူအရာကို ကြည့်လိုက်ခြင်းအားဖြင်… သူရဲ့ပြိုင်ဘက်ဟာ သူ့ရဲ့ မိဘတွေကို မကြောက်ပဲ… သူ့ရဲ့အဆင့်အတန်းနဲ့ ခြိမ်းခြောက်လို့ မရဘူး ဆိုတာကို သိသွားခဲ့ပါပြီ။
YOU ARE READING
ဂန္တဝင်ဂိုဏ်းချုပ် အတွဲ (၂) Unicode
Adventure✓✓✓✓ MC က FAကြီး ✓✓✓✓ ဇာတ်လမ်းအကျဉ်း ------------- လင်းဖုန်းဟာ အချိန်ခရီးသွားခဲ့ပြီး စနစ်တစ်ခုကို ရရှိခဲ့ပေမယ့် သူ့ရဲ့ဖိအားတွေဟာ တောင်လိုပဲကြီးမားပါတယ်။ "စနစ်ရဲ့ အဓိကမစ်ရှင်" လင်းဖုန်းဟာ ဂိုဏ်းတစ်ဂိုဏ်းကို တည်ထောင်ရမှာပါ။ အဲ့ဒီဂိုဏ်းလဲ ဒီကမ္ဘာမ...