တစ်ခြားသူများကို စာနာလို့လွှတ်ပေးခဲ့တာမဟုတ်ဘဲ
လူတစ်ယောက်ပိုရင် ဝတ်ရုံဖြူတစ်ယောက်နဲ့
တိုက်ခိုက်ဖို့တစ်ယောက်ပိုရသဖြင့် သူတို့အတွက်
ပိုမိုဘေးကင်းစေသောကြောင့်သာဖြစ်သည်။လူဆိုသည်မှာ တစ်ကိုယ်ကောင်းစိတ်
ရှိကြသည်ပင်။သို့သော်ငြား တစ်စုံတစ်ရာမှားယွင်းသွားခဲ့၏။
-မရဏအစီအရင်
ယူရှောင်းမိုကို ခေါ်သွားကြပြီးချိန်တုန်းက
သက်လတ်ပိုင်းလူကြီး၏အမိန့်ဖြင့် မရဏ
အစီအရင်ကို အသက်သွင်းခဲ့ကြပြီးပြီဖြစ်လေသည်။
ဝိဉာဉ်ပိတ်အစီအရင်က အမှန်မှာ မရဏအစီအရင်
ဆိုတာကို ဟယ့်သုံ့တို့လူစု မသိခဲ့ကြပေ။အခြားသူများကို လွှတ်ပေးရန်အတွက် သူတို့ဟာ
ထောင်ထဲမှာအချိန်အတော်လေးကုန်ခဲ့သည်။
ထွက်ပြေးဖို့လုပ်လိုက်ချိန်မှာ မရဏအစီအရင်က
အကျဉ်းထောင်ကို အနီရောင်အလင်းဖြင့်ဝန်းရံလျက်
အပြည့်အဝ အသက်ဝင်နေခဲ့ပြီဖြစ်လေသည်။
အရင်လွတ်သွားခဲ့ကြသည့် လူအနည်းအကျဉ်းသာ
ရှောင်တိမ်းနိုင်ခဲ့ကြသည်။ယူရှောင်းမိုရောက်သွားချိန် အစီအရင်အတွင်းရှိ
လူများမှာ ခေါင်းကိုပိုက်၍ ရှုံ့မဲ့သောမျက်နှာ၊
နီရဲသောမျက်လုံးများဖြင့် မြေပေါ်လူးလှိမ့်လျက်
နာကျင်စွာအော်ဟစ်နေကြသည်။
အကျဉ်းထောင်ကတော့ ပျက်စီးလျက်ရှိ၏။
တစ်ရာဝန်းကျင်ရှိလူများထဲမှ ဘယ်သူမှ
မတ်တပ်မရပ်နေနိုင်ကြချေ။ယူရှောင်းမို သက်ပြင်းရှိုက်လိုက်မိသည်။
သက်လတ်ပိုင်းလူကြီး ထိုမျှအောင်နိုင်ပုံပေါက်နေတာ
မဆန်းတော့ပေ။ ဤအစွမ်းထက်
ကျင့်ကြံသူအားလုံးတောင် မရဏအစီအရင်တစ်ခုကို
မကိုင်တွယ်နိုင်ကြချေ။ သူသာမလာခဲ့ဘူးဆိုရင်
အစီအရင်အသက်ဝင်လာသည့်အခါ သူတို့အားလုံး
သေရလောက်သည်။မရဏအစီအရင်အကြောင်းသိ၍ ဖြစ်နိုင်၏၊
အနီးဝန်းကျင်တွင် ဝတ်ရုံဖြူလူတစ်ယောက်မှ
မရှိပေ။ဟယ့်သုံ့အားလှမ်းမြင်လိုက်၍ ယူရှောင်းမို
လျှောက်သွားသည်။ ဟယ့်သုံ့ခွန်အားက
များများစားစားသက်ရောက်ခြင်း မခံထားခဲ့ရ၍
သူက အခြားသူများထက်အနည်းငယ်သာလေသည်၊
သို့သော်လည်း သူ့မျက်နှာကတော့
ဖြူဖျော့သွားတုန်းပင်။
YOU ARE READING
The Legendary Master's Wife [မြန်မာဘာသာပြန်]
幻想Original Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
Chapter-639- အောင်မြင်ခြင်း
Start from the beginning