The Legendary Master's Wife [မြန်မာဘာသာပြန်]

Chapter-638- ဖျက်ဆီးခြင်း

သူ့အကွက်ကြောင့် သက်လတ်ပိုင်းလူကြီး
ထိတ်လန့်တကြားဖြစ်သွားတယ်ဆိုကတည်းက
ဒါကမှန်ကြောင်း သက်သေပြနေသည်။ သူတို့ဟာ
မစတင်ခင်ကတည်းက မူလစွမ်းအင်နှင့်ပတ်သက်၍
စီစဉ်ထားခဲ့ကြခြင်းဖြစ်ပေသည်။ ဒီအထိရောက်ပြီး
အောင်မြင်ဖို့ တစ်လှမ်းအလိုမှာ ကျရှုံးသွားခဲ့ပါက
တစ်ရက်တည်းမှာပဲ ထုံထျန်းဧကရာဇ်၏
နှစ်များစွာအားစိုက်ထုတ်ထားမှုများ  ပျက်စီးသွားမည်
ဖြစ်ကာ သူလည်းအကျိုးဆက်များကိုခံနိုင်လိမ့်မည်
မဟုတ်ပေ။

သက်လတ်ပိုင်းလူကြီးမှာ သူ့အပြုအမူများကို
နောင်တရလာတော့သည်။ ဘာကြောင့်များ သူ့ကို
ဒီလောက်အများကြီးပြောပြလိုက်ရတာလဲ။
ကံဆိုးစွာနဲ့ပဲ၊ ဖိတ်သွားပြီဖြစ်သည့်နွားနို့အပေါ်
ငိုနေလို့လည်းအကျိုးမထူးတော့ရာ မူလစွမ်းအင်ကို
ထိန်းသိမ်းဖို့ပဲကြိုးစားနိုင်တော့သည်။

သက်လတ်ပိုင်းလူကြီးမှာ အဆင့်ခြောက်မှော်ဆရာ
ဖြစ်၍ ကျောက်စင်မြင့်မှာ တစ်ဦးတည်းသော
နတ်ဘုရားအဆင့်ကျင့်ကြံသူဖြစ်သည်။ မူလကတော့
ဒါက ယူ​ရှောင်းမိုကိုဖမ်းဖို့ထက်ပင် ပို၍
လုံလောက်သင့်သည်၊ သို့သော်လည်း သူ၏
မိမိကိုယ်ကိုယ်ယုံကြည်မှုကြောင့် ဒီအခြေအနေအထိ
ကျဆင်းသွားခဲ့သည်။

ထုံထျန်းနန်းတော်မှာ နက်ရှိုင်းသောနောက်ခံ
ရှိသော်ငြားလည်း ယခုနှစ်အတွင်းမှာ လင်းရှောင်က
သူတို့ကျင့်ကြံသူများစွာကို သတ်လျှင်သတ်
မဟုတ်လျှင် အပြင်းအထန်ဒဏ်ရာရစေခဲ့သည်။
ယခု သူက ထုံထျန်းနန်းတော်ကိုတိုက်ခိုက်ဖို့
နတ်ဘုရားအဆင့်များပါသည့် စွမ်းအားကြီး
ကျင့်ကြံသူများစွာကို ဦးဆောင်လာသည်၊
ပြန်လည်တိုက်ခိုက်ရန်အတွက် ထုံထျန်းနန်းတော်ရှိ
စွမ်းအားကြီးကျင့်ကြံသူအကုန်နီးပါး အပြင်ကို
သွားကြပြီဖြစ်သည်။

နန်းတော်တွင်ကျန်ခဲ့သော လူအားလုံးမှာ
နတ်ဒေဝါအဆင့်ဖြစ်ကြ၍ ယူရှောင်းမိုကိုဖမ်းချင်ပါက
သူတို့အတွက် တကယ်ပင်ခက်ခဲပေတော့မည်။

သက်လတ်ပိုင်းလူကြီးဟာလည်း ဒီအချက်ကို
တွေးမိ၏။ သူက ကျိုးပဲ့လျက်ရှိသော
ကျောက်နဂါးခေါင်းကို ပြန်ထောင်ခိုင်းလိုက်ပြီး
အခြေခံ ပို့ဆောင်ရေးပြွန်တစ်ခုပြန်ဆောက်လိုက်
သည်။ ကျောက်စင်မြင့်ကို စောင့်ကြည့်နေဖို့
အခြားသူများကို ခိုင်းပြီးနောက် ယူရှောင်းမိုကို
ကိုယ်တိုင်ဖမ်းဖို့ထွက်သွားတော့သည်။