Unicode
🍀🌹
သူမသတိပြန်ရလာကတည်းက အခန်းထဲမှာခေါက်တုံ့ခေါက်ပြန်လျှောက်နေသော ထိုလူဟာ ဘာဖြစ်နေသလဲဆိုတာမသိ။သူမသတိပြန်ရနေပြီဆိုတာကိုလည်း သိလိမ့်မည်မထင်။
"ကျွီ....."
အခန်းတံခါးဖွင့်သံကြောင့် ဝင်လာသူကိုကြည့်မိတော့ ထိုလူ့အတွင်းရေးမှူး မေမီ။
"ဘယ်လိုလဲမေမီ သမီးငယ်ကိုဆက်သွယ်လို့ရလား "
အဟက် သမီးငယ်တဲ့လား။မဲ့ပြုံးတစ်ခုနှင့်သူမလှဲအိပ်နေရာမှထထိုင်လိုက်တော့ မေမီကမြင်သွားသည်။
"ဆက်သွယ်လို့မရသေးဘူးဦးလေး... သတိရလာပြီလား အန်တီ "
ထိုအခါမှ ဘယ်သူ့အတွက်စိတ်ပူနေမှန်းမသိသောမျက်နှာနှင့် သူမအနားကို ထိုလူကလျှောက်လာသည်။သူမ သူ့မျက်နှာကို မမြင်ချင်သောကြောင့် တစ်ဘက်ကိုမျက်နှာလွဲလိုက်မိသည်။
"သက်သာရဲ့လား နန်း "
"မေမီကဒီကိုဘယ်လိုရောက်လာတာလဲ "
"အန်တီသတိမေ့နေတယ်လို့ လမင်းလှမ်းခေါ်လို့ အဲ့ဒါအခု..... "
ပြောနေရင်းမှပင် မေမီကမြည်လာသောဖုန်းသံကြောင့် စကားရပ်သွားသည်။
"လမင်းဆီကဦးလေး "
သူတို့ဘာတွေဖြစ်နေသလဲ သူမ မသိပေမယ့် လမင်းထက်သာကိုစိတ်ပူနေကြပုံရသည်။
"ဘယ်ရောက်နေတာလဲလမင်းရယ် ပြန်မလာသေးဘူးလားကြာနေပြီ "
"................"
"ဟုတ်ကဲ့ ကျွန်မအသိညီမလေးပါ "
မေမီပြောသောစကားကြောင့် မကောင်းသည့်အငွေ့အသက်တစ်ခုကို သူမရနေသလိုခံစားရသည်။ချက်ချင်းပင် မေမီ့နားလေးရောက်သွားသောထိုလူဟာ သူ့ကလေးကိုသိပ်ပင်စိတ်ပူလွန်းနေရှာတယ်ထင်ပါရဲ့။
"ဟုတ်ကဲ့ ကျွန်မတို့အခုချက်ချင်းလာခဲ့ပါ့မယ် "
"ဘာ.....ဘာဖြစ်လို့လဲမေမီ သမီးငယ်ကဘာဖြစ်လို့လဲ "
"လမင်း accident ဖြစ်လို့ ဆေးရုံပို့လိုက်ကြတယ်တဲ့ဦးလေး "
"ဟင်...."
YOU ARE READING
ကိုယ်ရွေးချယ်သည့် ကံ
Romanceနေရာမှားလာတာမကောင်းဘူး...... ဒါပေမယ့် ကံတရားမှားလာခဲ့ရင်ရော #Oo ____________________________ ေနရာမွားလာတာမေကာင္းဘူး...... ဒါေပမယ္႕ ကံတရားမွားလာခဲ့ရင္ေရာ #Oo
