TEMPTING THE BEAST(COMPLETED)

CHAPTER 15

CHAPTER 15

HANNAH

Hila ko ang aking kabayo na si Jeprox habang naglalakad ako sa malawak na rancho ni Papa. N'ung unang araw na umuwi ako ay hindi ako iniiwanan ni Mama at si Papa naman ay halos oras-oras akong tine-text habang nasa munisipyo ito. Batid nila ang pinagdaraanan ko dahil kinuwento ko ng buo ang naging paghihiwalay namin ni Apollo.

They didn't blame me nor despised Apollo's ways. All they did was listen.

Pagkatapos ng tatlong araw na pagkulong sa kuwarto ay unti-unti na akong lumabas. Mom bought me a new phone and new sim at tanging si Freya at Adonis lang ang laman ng contacts ko.

Hindi ko pinamigay o itinapon ang luma kong phone, nilagay ko lang iyon sa box at itinago sa drawer. Naroon ang mga litrato ni Apollo na kinuha ko ng hindi nito alam.

"Jeprox, ilang babae na ang nabuntis mo dito sa rancho habang wala ako?" Tanong ko habang naglalakad ito sa aking gilid. "Siguro marami na, kasi ang dami kong nakikitang foal sa pastulan eh."

"Hindi ka sasagutin niyan, miss." Saad ng panlalaking boses.

Napatingin ako sa pinanggalingan ng boses. The impact of his presence took my breath away. I stared at him. He looks familiar but I can't remember where I met him.

In-anggulo ko ang aking ulo. "Have I met you before?"

"Nope. This is the first time." He said. Pinaloob nito ang mga kamay sa suot na maong bago maglakad palapit sa akin. Ang manggas ng itim na polo nito ay halos humahapit sa kanyang matipunong braso.

Parang gusto ko rin maging butones na yumayakap sa malapad niyang dibdib.

"Eyes are up here, my lady."

Hindi ko namalayan na halos nasa harap ko na siya. Umiling ako upang maalis ang mga di magandang iniisip. "So, bakit ka nakikisawsaw sa usapan namin ni Jeprox?"

"Jeprox?" Kunot-noong tanong nito.

"Yes, he's my horse." Sagot ko at hinaplos ang mukha ng kabayo.

His pinkish lips curved and he laughed. "Where did you get that name? Bata ka ba?"

"That's very offending." Malamig kong saad at nilagpasan na ito. Hindi pa man ako nakakalayo ay humarang na siya sa aking lalakaran kaya ako huminto. "Ano'ng kailangan mo? Wala kaming binebentang yelo. Alis!"

"I'm a buyer. Don't be rude, my lady."

"Ang alam ko, may designated na tao para harapin ang mga buyer."

"But I want you." He said smoothly. Walang preno, mga kaibigan! He's flirting with me.

"Hindi ako kabayo!" Mariin kong saad bago mabilis na sumakay kay Jeprox. "Tumabi ka nga, tapakan pa kita, e!"

Hindi ko na narinig ang huling sinabi nito dahil pinatakbo ko na ng mabilis si Jeprox. Hindi pa nga ako nakaka-move on kay Apollo, e.

Pagkatapos kong ihatid si Jeprox sa stabe ay bumalik na ako sa mansyon. Napansin ko na aligaga si Mama dahil sa dami ng kausap nito sa pacho. Papasok na ako sa bahay para magpalit ng damit nang bigla akong tawagin ni Mama. Sumenyas ito na para bang gusto niya na pumunta ako roon na siya namang sinunod ko.

"Everyone, this is my Hannah. My unica hija." Pakilala sa akin ni Mama.

Binigyan ko ng matamis na ngiti ang tatlong bisita niya. Lahat ng mga ito ay nasa early 40's na at sa tingin ko ay may mga anak na.

"Sila 'yung mga asawa ng mga bagong halal na kapitan, anak." Umupo ako sa tabi ni Mama kasi mukhang matatagalan ako sa usapan na ito. "Si Bien, Porsha, and Romina."