TEMPTING THE BEAST(COMPLETED)

CHAPTER 14

CHAPTER 14

HANNAH

Nang ihatid ako ni Apollo ay agad rin itong umalis. Walang usapan na namagitan sa aming dalawa at tahimik lang kami sa buong biyahe. Pinanuod ko lamang ang paglayo ng sasakyan nito hanggang sa hindi ko na iyon makita.

Halos naubos na rin ang luha ko sa pag-iyak kanina sa park. Tinawagan ko kaagad si Freya para mailabas ko lahat ng naipon na emosyon sa dibdib ko.

"Tahan na, be." Alo sa akin Freya.

Nakahiga lamang ako sa mga hita nito habang yakap ko ang aking unan. Nakikinig lamang ito sa mga sinasabi ko at paminsan-minsan ay hinahaplos ang aking buhok.

N'ung tinawagan ko kasi siya ay nasa office panito ngunit nang mapansin na umiiyak ako ay agad-agad siyang pumunta sa akin. At dahil mahal na mahal niya ang trabaho niya ay inaalo niya ako habang nakaharap siya sa kanyang laptop.

"Sorry naistorbo kita ngayon." Saad ko sa pagitan ng mga hikbi.

"It's alright. Alam kong kailangan mo ko." Malambing nitong sabi sa akin.

"Gusto ko ng umuwi ng Cebu. Doon nalang ako."

"Doon ka magmu-move on? Pwede naman. Para 'di mo na makita 'yung pagmumukha ng tao na iyon."

"Ang sakit, Freya. Ginawa ko naman lahat para mapasaya siya."

"Bakit mo ginawa ang lahat para mapasaya siya? Clown ka ba?" Biro nito.

"Akala ko kasi maaalis ko si Tallia sa isip niya eh." Napahikbi na naman ako.

"Bakit kasi hindi mo nalang hinayaan na mag-heal muna siya bago mo siniksik ang sarili mo?"

"Tanga nga kasi ako. Hindi ako nag-iisip. Puso lang ang pinagana ko."

Huminga ito ng malalim. "Tama na. Umiiyak ka na naman."

"Am I not enough?"

"You know, don't question your worth. Sapat ka para sa tamang tao."

Napatingin ako sa kanya. Sa ilang taon na pagkakaibigan namin ay n'un ko lang narinig na nagbigay ito ng maayos na love advice. Bumangon ako at kumunot ang noo niya.

"Bakit?"

"We should put that on a t-shirt."

Mahina niya akong binatukan. "Siraulo."

Kinabukasan ay sabay kaming umalis ni Freya papasok sa kanya-kanyang trabaho. Nasa hallway palang ako ay nakasalubong ko na si Apollo.

"G-Good morning, sir." Bati ko ngunit nilagpasan lamang niya ako. He didn't even look at me.

Hindi na ako nagpalamon sa lungkot at ginawa nalang ang trabaho ko. Ibinaba ko ang kape sa mesa ni Sir Zander at iniabot naman niya sa akin ang isa mga close-out reports.

"I can't sign this. It wasn't address to me."

Ni-check ko iyon at nakita ang buong pangalan ni Apollo. "Alright, Sir. I will pass this to his secretary."

"We had a lot of engagement today, can we have an overtime?"

Tumango ako. "Yes, sir. I don't have any plans tonight."

Pagkatapos ng konbersasyon namin ay lumabas na ako sa opisina niya upang ayusin ang documents na kailangan para sa susunod niyang meeting. Naagaw ng puting folder ang atensyon ko, ito ang report na dapat kong ibigay sa secretary ni Apollo.

Naglakad ako papunta sa kinaroroonan ng opisina niya at lumapit sa table ng secretary nito.

"Hi, I need the VP's signature in this corner." Turo ko sa lower right corner. "As soon as possible."