ပထမ
UNICODE
'ဘာ ပေါက်တတ်ကရ ကြေကွဲတာတွေ လာပြောနေတာလဲ' ရှဲ့ချီ တွေးလိုက်သည်။
လက်စွပ်က လိမ္မော်ရောင်အဆင့်အိုင်တမ်ဖြစ်သည်။ အတော်ကို အားကြီးသော်လည်း ကန့်သတ်ချက်များစွာရှိသည်။ သက်ရောက်မှုဖြစ်ပေါ်လာစေရန် တစ်ဖက်လူကရှိနေရမည်ဖြစ်ပြီး ဆက်ဆံရေးပြတ်သွားပါက အိုင်တမ်က ပျက်စီးသွားမည်ဖြစ်သည်။ သို့သော် ထိုကြီးမားသည့် ပြဿနာနှစ်ခုက ရှဲ့ချီအပေါ် သက်ရောက်မှုမရှိပေ။
ရှဲ့ရှင်းလန်နှင့် သူသည် ခန္ဓာကိုယ်တစ်ခုတည်းတွင်ဖြစ်သည်။ ရှဲ့ရှင်းလန်က သူ့ဘေးတွင်မရှိခြင်းနှင့် ဆက်ဆံရေးပြတ်တောက်သွားနိုင်သည့်အခြေအနေမျိုး မရှိပေ။
အိုင်တမ်၏ သက်ရောက်မှုကို ဆန်းစစ်ပြီးနောက် ရှဲ့ချီ စိတ်ချမ်းသာနေသည်။
အနီးရှိ ဆုချင်းသည်လည်း အိုင်တမ်တစ်ခုနှင့် ချိတ်ဆက်ပြီးသွားသောအခါ ထွက်လာသည်။ သူ၏ အမူအရာက နည်းနည်းထူးခြားနေကြောင်း ရှဲ့ချီ သတိထားမိလိုက်သည်။ ဆုချင်းမှာ ရှော့ခ်ရနေပြီး ရှက်နေသည်။ မျက်နှာများပင် နီရဲနေကာ ထိုသည်က သူ့အိုင်တမ်အကြောင်း ရှဲ့ချီကို သိချင်သွားမိစေလေသည်။
ရှဲ့ချီက သူ့အားစိုက်ကြည့်နေသည်ကို ဆုချင်းတွေ့လိုက်ရပြီး ပိုပြီးတောင် ရှက်သွားရလေသည်။ သူ့အင်္ကျီအစွန်းကို ဆုပ်ကိုင်ထားမိလေတော့သည်။
သူ ရလာခဲ့သည့် အိုင်တမ်က... အပျိုစင်မေရီ၏ ရောင်ခြည်စက်ဝန်းဖြစ်သည်။ အခြားသရုပ်ဆောင်များကို ကူညီနေချိန်တွင် အချိန်တိုအတွင်း သူသည် အင်အားအရာ၌ ၅၀% တိုးလာစေနိုင်သည်။
ဆုချင်းရှက်နေသည်ကို ရှဲ့ချီသိသောကြောင့် အကြည့်လွှဲလိုက်သည်။ "အဲ့ဒါဆို ကျွန်တော်တို့ သွားတော့မယ်။ နောက်မှတွေ့ကြတာပေါ့။"
ဆုချင်း အသာခေါင်းငြိမ့်ပြလိုက်သည်။
*************
ရှဲ့ချီနှင့် ရှဲ့ရှင်းလန် ထွက်သွားကြသည့်အချိန်တွင် ရုပ်ရှင်ရုံတွင်း၌ သရုပ်ဆောင်များ၏ ခြုံငုံသုံးသပ်မှု ထွက်လာလေသည်။
YOU ARE READING
ကိုယ်တူစိတ်ခွဲ ချစ်သူ(灵异片演员app)[COMPLETED]
HorrorMinervaLance အရင် acc က ဝင်မရလို့ အခု Acc အသစ်မှာ အဆက်ကို ဆက်တင်ပေးနေတာပါ။ ပထမအုပ်ကို My Works Reading List ထဲမှာ ရှာလို့ရပါတယ်။ ဟုတ်ကဲ့... အရင်က Minerva ပါပဲ \(><)/