بنت المعلم

الفصل السادس

https://www.facebook.com/groups/317076016882027/?ref=share )
؛******
الفصل السادس (6)

صلوا على النبي 💖

انتظر لبرهه يحاول استعاب الصدمة عندما تفوه العلم بهذا الحديث، اقتضبت ملامح وجهه قائلا الي سالم بعتاب:

عيب عليك يا سالم بدل ما تشوف ايه المشكلة وتحلها جاي تقولي يطلقها

أردف سالم بسخرية:

والله شكلك أنت كمان مضروب علي قفاك يا صبري

رمقه صبري بعد فهم ليردد بتعجب :

مضروب علي قفايا

أشار سالم إلي أحمد القادم إليهم قائلا بتهكم:

أهو المحروس وصل

دلف أحمد ملقي التحية ثم توجه إلي والده ليقبل جبينه و أتجه إلي سالم ليفعل مثل والده  ،ثم جلس علي المقعد قائلا بترحيب :

منور يا معلم

لم يجيبه سالم مكتفي بتأمله بهدوء، تعجب أحمد من أسلوبه ولكن سمع والده ينظر إليه قائل معاتبا :

عملت ايه زعل هند والمعلم يا أحمد

تطلع أحمد الي سالم قائلا بقلق :

انا زعلت هند في ايه

في ذلك وقت دلفت دولت هي الأخرى لتجلس معهم اعتقاد بأن سالم اتي لزيارتها، فتعجبت من وجهه أحمد المقتضب وكذلك زوجها،

فنظرت الي صبري قائله :

في ايه يا ابو أحمد

رمقها سالم بتهكم قائلاً :

دا أنتِ الـ تقوليلنا يا دولت مش احنا

تطلع إليه صبري بنفاذ صبر من هذا اللغز :

لا انا مش فاهم يا سالم مين الـ مزعل هند لو أحمد يروح دلوقتي رجله فوق رقبته يبوس علي رأسها ويجبها ولو أمه والله ما تبات انهارده الا وهي مصالحها

ابتسم سالم إليه قائلا بامتنان:

والله تشكر علي كلامك دا يا حج

ثم نظر إلي احمد وأكمل:

لكن للاسف مفيش حاجه هتتصلح

حاول أحمد أن يتذكر ما حدث معه ومع هند من خلاف أو ما شبه ولكنه متأكد أنه أوصلها الي البيت وهم علي رضا تام، فنظر إلي سالم بقله حيله سأله:

خير يا خال انا عملت ايه، انا فاكر كويس أن هند طلبت مني تروح عندكم يومين وانا وصلتها ومفيش حاجه بينا

ألقي سالم ما في جوفه فقد طفح كيله منه وابنته وتصرفاتهم الهوجاء التي أودت بأن يمر اربع سنوات من عمرهم في مشاحنات وفتور :

وهو ايه هيحصل بين واحد ومراته قرروا يأجلوا خلفه عشان عيشن علي طاره وطاره وفي اي وقت عاملين حسابهم هيطلقوا