"ဟိုအရင်လတုန်းက အမတလိုဏ်ဂူ
ခုနစ်ခုရှစ်ခုလောက်ကို ဆယ့်ငါးရက်ထဲနဲ့
အပြောင်ရှင်းသွားတဲ့လူက ခင်ဗျားလား"အနက်ရောင်ဝတ်ရုံနှင့်လူက အဖြူရောင်ဝတ်ရုံနှင့်
လူကို ကြည့်လိုက်သည်။ သူက မေးခွန်းမေးလိုက်
သော်လည်း သူ့လေသံထဲမှာ သေချာမှုတို့
ပါဝင်နေသည်။ အဖြူရောင်ဝတ်ရုံနှင့်လူက
ဝန်မခံလျှင်တောင် ယုံမည့်သဘောမှာမရှိပေ။အဖြူရောင်ဝတ်ရုံနှင့်လူ၏ အေးဆေးသော
အကြည့်က သူ၏ဓားကောက်မှ တစ်ဖက်လူသို့
ရောက်ရှိသွားပြီး အလေးအနက်မထားသည့်
အကြည့်ဖြင့် အကဲခတ်လိုက်၏။
သူ့နှုတ်ခမ်းထောင့်က အနည်းငယ်ကွေးညွတ်သွားပြီး
ခပ်ဖွဖွအပြုံးတစ်ခုပေါ်လို့လာသည်။"အဲ့တော့?"
"ကျုပ် ခင်ဗျားကိုစိတ်ဝင်စားမိတယ်။
တစ်ပွဲတစ်လမ်းလောက်နွှဲရအောင်"အနက်ရောင်ဝတ်ရုံနှင့်လူက အဖြူရောင်ဝတ်ရုံနှင့်
လူအား မောက်မာသောမျက်လုံးများဖြင့်ကြည့်နေရင်း
ပမာမခန့်အမူအရာတစ်ခု ရှိလို့နေသည်။ သူက
အားမာန်ပြည့်ဝနေပြီး တိုက်ခိုက်ရခြင်းကို
နှစ်သက်သူမှန်းထင်ရှားလှသည်။ သူက
သွေးသံရဲရဲသတ်ဖြတ်မှုများမှာ သူ့ကိုယ်သူ
မြှုပ်နှံထားသည့်လူတစ်ယောက်မှန်း
တစ်ချက်ကြည့်ရုံနှင့်ပြောနိုင်သည်။အဖြူရောင်ဝတ်ရုံနှင့်လူက စိတ်မဝင်စားစွာ
ကြည့်လိုက်၏။"မင်းက ငါနဲ့မယှဉ်နိုင်ဘူး"
"ဟားဟား"
အနက်ရောင်ဝတ်ရုံနှင့်လူက ဒေါသထွက်ရမည့်အစား
ရယ်မောလေသည်။ သူက အချိန်ကာလ
ရှည်လျားစွာနေထိုင်လာခဲ့သည့် ထင်တိုင်းကြဲ
ပြုမူတတ်သောလူမျိုးဖြစ်သည်။
တစ်ယောက်ယောက်က သူ့ကိုဤကဲ့သို့
ပြောလာသည်မှာ ဒါကပထမဆုံးအကြိမ်မဟုတ်ပေ၊
သို့ပေမဲ့ သူ့စကားများကိုယုံကြည်အောင်
လုပ်နိုင်သူမှာ ဤလူတစ်ယောက်သာရှိသည်။
ဘာလို့ဆို အဖြူရောင်ဝတ်ရုံနှင့်လူပြောတာ
မှန်သောကြောင့်ပင်-- လက်ရှိသူက သူနှင့်
ပြိုင်ဖက်မဖြစ်နိုင်ပေ။"ခင်ဗျားမှန်တယ်၊ ဒါပေမဲ့
ကျုပ် စမ်းကြည့်ချင်သေးတယ်"
YOU ARE READING
The Legendary Master's Wife [မြန်မာဘာသာပြန်]
FantasyOriginal Author - Yin Ya English Translators - Exiled Rebels Scanlations [From Chapter(591)- (731)End] If you want to read from Chapter(1), please check my reading list, The Legendary Master's Wife. Cover Photo- Crd to Original Artist.
Chapter-614
Start from the beginning