ပြန်လည်ရှင်သန်ပီးနောက်သူဌေးကြီးရဲ့ချစ်ဇနီးလေးဖြစ်လာခဲ့တယ် [BL]

17 [Do you care?]

စစ်ရယ်နဲ့ ခဏကြာ စကားပြောပြီးတဲ့နောက်မှ ပိုင်ချူးရန်က သူမဘေးမှာရှိနေတဲ့ ချန်ရှုကို သတိထားမိသွားတဲ့ပုံဖြင့် ချန်ရှုကို ရည်ရည်မွန်မွန်ပြုံးပြကာ

"ဒီတစ်ယောက်က?"

သူမမေးတာကိုကြားတော့ ချန်ရှု အနည်းငယ် မျက်မှောင်ကြုတ်လိုက်သည်။ ဒီ မင်းသမီး က သူ့ကို ပြုံးပြနေပေမယ့် အပြုံးက မျက်လုံးပေါ်မှာမပေါ်လာပဲ မနာလိုတဲ့အရိပ်အမြွက်ကတော့ ဖျတ်ခနဲ ပေါ်လာတာကို သူခံစားလိုက်ရတယ်။

စစ်ရယ် ချန်ရှုခါးပေါ်မှ သူ့လက်ကို မြှောက်လိုက်ပြီး ပိုင်ချူးရန်ကို

"အိမ်က ကလေး"

လို့ မိတ်ဆက်ပေးသည်။

ပိုင်ချူးရန်က ထိုစကားကို ကြားလိုက်တော့မှ ချန်ရှုကို ဖော်ရွေစွာပြုံးပြလိုက်ပြီး

"ဟယ်လို တို့နဲ့ပထမဆုံးတွေ့တဲ့ အထိမ်းမှတ်‌အနေနဲ့ လက်ဆောင် တစ်ခုပေးလို့ရမလား။ ဒီနေ့ နာရီတံဆိပ်တစ်ဆိပ် တစ်ခုက ကြောညာရိုက်ဖို့ ကမ်းလှမ်းလာတယ်လေ အဲ့ဒီကပေးလိုက်တဲ့ နာရီက မင်းနဲ့လိုက်မယ်လို့ တို့ထင်တယ်။

သူမပြောတဲ့အတိုင်း အိတ်ထဲမှ အပြာရောင် ကတ္တီပါသေတ္တာတစ်ခုကို ထုတ်လိုက်တော့ တကယ့်ကို ဇိမ်ခံအမှတ်တံဆိပ်ဖြစ်တဲ့ နာရီတစ်ခုထွက်လာတယ်။။

ချန်ရှုကတော့ ဒီမင်းသမီးရဲ့အပြုမူတွေကို လုံးဝမကြိုက်ဘူး။စစ်ရယ်နဲ့သူမက အခုချိန်မှာ နီးကပ်နေတဲ့ ဆက်ဆံရေးရှိနေပြီဆိုရင် အနာဂတ်မှာ စစ်ရယ်ရဲ့သတို့သမီး ဖြစ်လာဖို့ သေချာသလောက်ပဲ။

စစ်ရယ် စကားမပြောခင်မှာပဲ အမြဲတမ်း ဆက်ဆံရေးကောင်းမွန်ခဲ့တဲ့ ချန်ရှုက သူ့ရှေ့မှာပဲ အေးစက်စက်ပြောနေတာကို တွေ့လိုက်ရတယ်။

"မင်းရဲ့လက်ဆောင်အတွက်‌ ကျေးဇူးပါ မစ္စပိုင် လက်ဆောင်ပေးစရာမလိုပါဘူး။ကျွန်‌တော်သာ ဒီနာရီကို ကြိုက်တယ်ဆိုရင် အန်ကယ်စစ်က ကျွန်တော့်အတွက် ဝယ်ပေးလိမ့်မယ်။"

ဒီစကားကြောင့် ပိုင်ချူးရန်ရဲ့ နဖူး‌ကြောတွင်ထောင်လာခဲ့တယ်။ ဒီနာရီက ဈေးပေါတဲ့ပစ္စည်းမှမဟုတ်တာ။ချန်ရှုအရွယ်ကလေးတစ်ယောက်က ပေါင်းသင်းဆက်ဆံရေး အဆင်ပြေပြီး လွယ်လွယ်နဲ့ချဉ်းကပ်လို့ရသင့်တယ်လေ ။ဒါပေမဲ့ ချန်ရှုစကားတိုင်းမှာ ဆူးများရှိနေပြီး သူမက သူ့ရဲ့အနာဂတ် ဒေါ်လေး ဖြစ်လာမှာကို မလိုလားတာ ထင်ရှားနေသည်။