ပြန်လည်ရှင်သန်ပီးနောက်သူဌေးကြီးရဲ့ချစ်ဇနီးလေးဖြစ်လာခဲ့တယ် [BL]

10 [Quite Rich]

ကျုံ့စုန်ကို စိုက်ကြည့်ရင်း ကုရှင်းဟောင်ကလက်သီးကို တင်းတင်းဆုပ်ထားတယ်။သူနဲ့ ကျုံ့စုန်က တစ်ယောက်နဲ့တစ်ယောက် သေချာမသိပေမယ့် သူတို့နှစ်ယောက်ကြားမှာ အမြဲတမ်း ပြဿနာဖြစ်ပြီး ပဋိပက္ခဖြစ်တိုင်း မိဘတွေဆီ တစ်ခါမှ မပြောခဲ့ဖူးဘူး။

ကျုံ့စုန် ပြောတဲ့အတိုင်း ကျုံ့မိသားစု လုပ်နိုင်တယ် ဆိုတာ သူသိတယ်။ ကုရှင်းဟောင်ရဲ့မိသားစုက အခုလတ်တလောမှနာမည်ရှိလာတာဖြစ်ပေမဲ့ သူ့အဖေက အရမ်းချမ်းသာတယ်။အဆက်သွယ်ကောင်းတွေ လဲအများကြီးရှိတယ်။ကျုံ့မိသားစုကတော့ ကုရှင်းဟောင်ရဲ့မိသားစုလိုမဟုတ်ဘူး။ဒီအိမ်တော်လောက်ကိုတော့ သူတို့ရင်ဆိုင်လို့ရသားပဲ။

ကုရှင်းဟောင်က အရွယ်ရောက်လာတဲ့ သဘာဝအတိုင်း အရင်ကလို စိတ်မြန်လက်မြန်လုပ်ပီး သူ့အဖေကို ဒုက္ခပေးမှာမဟုတ်တော့ဘူး။ ဒါပေမယ့် ဒီနေ့ ကျုံ့စုန်ရှေ့မှာတော့ ခေါင်းမငုံ့ထားနိုင်ဘူး။

"ကျုံ့စုန်၊ မင်းအသက်ကဖြင့် ဘယ်လောက်ရှိနေပီလဲ ၊ တစ်ခုခုဖြစ်တိုင်း မိဘကိုတိုင်နေတုန်းပဲလား"

ကုရှင်းဟောင်က လက်ပိုက်ထားပီး တမင်တကာ လှောင်ပြောင်လိုက်တယ်။

ကျုံ့စုန် ထိုစကားကိုကြားတဲ့အခါမှာတော့ သူတကယ်ဒေါသထွက်သွားတယ်။ သူ့ဘေးနားကလူတစ်ယောက်က သူ့ကို ဆွဲထားပြီး

"ရှောင်စုန် ဒေါသမထွက်လိုက်နဲ့၊ ဒီဆင်းရဲတဲ့ကလေကချေကောင် ပြောတာကို နားထောင်စရာ အကြောင်းမရှိဘူး။သူကမင်းရဲ့မျိုးရိုးကို မနာလိုဖြစ်နေတာ "
လို့ ပြောတယ်။

"ကုရှင်းဟောင် ဒီနေ့ မင်းငါ့ကို ဒူးထောက်ပြီး တောင်းပန်မယ်ဆိုရင် မင်းကို လွှတ်ပေးဖို့ ငါစဉ်းစားပေးမယ် မဟုတ်ရင်တော့ ငါ ဒီမှာ ရှိနေသရွေ့ မင်းနဲ့ မင်းရဲ့ ဆင်းရဲသား ကလေကချေသူငယ်ချင်းတွေအတွက် အခြေနေကောင်းမှာမဟုတ်ဘူး"

ကျုံ့စုန်က ကုရှင်းဟောင်သူ့ကို တမင်တကာ ရန်စနေတာကို သဘောပေါက်သွားတယ်။ သူက ခေါင်းကိုမော့ထားပီး အထင်သေးတဲ့ပုံစံနဲ့

"ကျုံ့ မိသားစုက မင်းလို‌ဆင်းရဲသားတေ ကို ဒုက္ခပေးချင်ရင် စာကားတစ်ခွန်းပဲလိုတယ်။"