نهوة الشيخ عياش

البارت الخامس عشر

#نهوة الشيخ عياش
(البارت الخامس عشر 15)
عياش : جنت كاعد ادخن واجه بالي مروان كلت خل اتصل عليه اسئله ع وضع البيت واشوفه شلونه شخباره وبلمره ابلغه باجر انزل مجاز اتصلت عليه بس كلبي مامرتاح حاس اكو شي ولاحظت هلشي من صوته الووو هااا اخوي شلونك
مروان :هلا شيخ بخير وانته
عياش : ولك بيك شي شنو شيخ !!
مروان :لاياخوي مابيه شي بس شويه تعبان
عياش : افااا تعبان وانه اخوك شمالك ولك احجيلي
مروان : ماكو شي لاتشغل بالك دوخت شغل وهلحجي اي ماكتلي شوكت تنزل مجاز
عياش :والله ياخوي ع اساس باجر بحيل الله بشر شخبار البيت الاهل شلونهم
مروان : كلهم بخير يسلمون عليك اكلك اخوي
عياش : الله يسلمك ويسلمهم امرنيي
مروان : مايلمر عليك عدو بس شصفت ع حمزة
عياش : والله مادرييي تعرف هسه انه بدوام خلي انزل بااجازتي واشوف شلون صار ونحلهااا الطلابه بعدين
مروان : اهاا خوييي الله كريم اخليك خاف عندك شغل يلا في امان الله
عياش : الله وياك ، سديته من مروان بس مامرتاحله شنو شيخ هاي اول مره يحجي وياي بهل طريقة الغريبه ومال هوه تعبان من شغل هاي مستحيله مروان شاغول وبحياته ماشتكه من شي لازم اكو شي خليت ودخلت جوه حطيت راسي ع مخده ونمت من التعب وانه نايم حلمت بجمارتي بس شلون حلم مغثههه كابوس ( حلمان جمارتي ماخذيهااا مني والماخذهاا مااعرفه منووو وانه مجتف لابيدي اخذهاا منهم ولابيدي اسوي شي والي مجتفيني ولد اثنين ماعرفهم والمشكله هيه فرحانة وتاشر بيدها بمعنى خلصت منك وانه روحي رايحه وابجي والرجيف ماخذنييي فزيت من الحلم عركان باوعت الساعه ب4:28 دقيقة كمت سبحت وغسلت توضيت واجيت اصلييي بس روحي بقت ممروده مادري شجانيييي حاس يريد يصير شي بس شنو ماعرفه خليتها ع الله وكمت احضر بلملابس مالتي بعد ساعتين وارجع للبيت فرحان وحيل مشتاق الاهلي والحبيبت روحييي بس بنفس الوكت وغزات كلبي ماجاي تبطل تعوذت من الشيطان ورحت يم الشباب لكيتهم كاعدين بس بعدني مامرتاح حاولت الهي نفسي بااي شي بس بالي يم الحلم احس عبالك يريد يصير شي مثل ماشفت بالمنام صارت الساعه ب7:00 ودعت الشباب وطلعت للبيت ....
.
.
.
مروان : من مكالمة عياش وانه غالق تلفوني خايف لايرجع يتصل عليه ومحتار شكله اليوم المشيه مالت اخوييي وكلهااا فرحانة امي والبنات بس انه بالي يم عياش يم اخوي وصديق عمرييي لو دره اكيد راح يزعل مني شبيدي ماكدر اوكف فرحت اخوي ابن امي وابوي ولااكدر ابلغ ابن عمييي اجاني قيس وانه كاعد بديوان ..
قيس : هاا ياخوي شني ماتروح ويانه
مروان : لاياخوي انه اجي وراكم بس كلي قيس انته فرحان
قيس : شلون مافرحان وانه تعب عمريييييي وحياتي راح اصير الي وام بيتي
مروان : الله يسعدكم يااخوي ديربالكم ع نفسكم
قيس : شلزوم هل حجيييي ولك
مروان : مامش لزوم بس الحذر واجب الله يسعد بختكم
قيس : بعد عمريييي الغالي ابو شاهين ..
.
.
.
جمارة : اليوم حيل فرحانة كعدت من الصبح سبحت وبدلت وجهزت ملابسي العصر تجي عمتي شوفني هيه والبنات ويحددون موعد العقد كلش فرحانة اخيراً راح اصير الحب حياتي والاحلا انسان مشه الصبح عادي اجه الظهر صلينه وساعدت البنات بلغده تغدينة صارت الساعه بـ2:30 يعني بعد ساعه وتجي عمتييي يادوب الحك اجتني سرور تركض هيه ونور ..
البنات : ولج يامدهوره ماتلحكينننن اصعدي بدلي اسبحييي تمكيجي بعد ساعه وتجي عمه
جمارة : اييييي صاعده شبيجن
سرور : نور روحي ساعديها واني وسحر وريحان هناا نحضر الغراض اصعدنه كدامييي
نور: يلا امشينة جمارة نصعد لاصفنين
جمارة : خايبه وثول هل صاعده كدامج ، صعدنه حضرت ملابسي ودخلت سبحت طلعت بدلت ومكيجت مكياج بناتي خفيف وخطيه نور وياي تساعدنييي بخرت نفسي صارت ساعه ب3:00 راحت نور تسبح واني مشغله اغاني وكاعده بغرفتي شوية واجتني رسالة من حبيبي ..
📨: حبيبت روحييي احنه هسه راح نطلع نجيكم انه وامي والبنات وابوي ومروان يلحكنه بعدين جهزتي نفسج يعيون قيس انتي
📨: هلا بيكم عمررري اي اكيد حضرت نفسي انتضركم
📨: يروحيتي انتييي بطريق احنه يلا في امان الله
📨: الله وياك روحييي ...
سديت تلفون وصعدلييي البنات ضلن يسولفن ويشاقن لاحظت سحر مامرتاحه ، سحرر شبيج اشو مامرتاحتلج وجهج مخطوف
سرور: اني لاحظت من مساع شني متعاركة ويه اسر
سحر : لا لا والله مامتعاركة بس شوية تعبانة ومن ورا حمودي هل تشوفيني اركض ورا مايكعد راحة
جمارة : (وهيه شيل حمودي ) اروحله فدوه حبيب عمته غير سبع هوه مااقبل تحجين عليه
سحر : اي هوه طالع نفس خبالج مبارك وراثه بلعائله الكريمة هااي
البنات : اي والله ههههههههههههههههههه
شوية ودخلت امييي علينه تهلهل بخرتنيييي مره ثانيه وتقره المعوذات عليه نزلن البنات لان عمتي راح توصل وبقينه اني ونور بلغرفة قررت افاتح نور بموضوع اخوي مهند واسئلهاا شنو صار بينهم ، اكلج نويررر بشرريييي شنو صار وياكم
نور : هااا لاماصار شي ع حطت ايدج
تحجين صدك انتي ولكم راح جلطوني شهل غباء البيكم يعني ماعترفتي اله الهسه
نور : لا ولج ماعترفت شلون استحييي جمارة ماكدر
امداج يلغبيه انطيني تلفون بسرعه وراج بسرعه
نور : هااج بس شسوين
اشش ولاكلمة معليج اني اتصرف بس كرمينه سكوتج ، الو مهند انته وين ..
مهند : جنت كاعد يم الشباب شوية واحاني اتصال من هاي ثوله اختيي رديت عليهاا ، الوو هااا ولج يم الشباب ليش
جمارة : عوف الشباب تلحك عليهم وتعال للبيت اريدك بسرعة
مهند : هسه بس فهميني شكو صاير ابوي بي شي
جمارة : وجع ركض ع رجال مابييي شي الفكر تعال اريدك بموضوع يخصك
مهند : ساتر الله من مواضيعج هل جاي بطريق سدي
جمارة : يلا انتظرك لاتتاخر .. سمعي راح يجي مهند هسه راح ننزل جوه اني وياج وراح ادز رساله المهند وراح تروحون بلحديقة دام الكل ملتههي ومخد حيحس بيكم يلا نور اتفقنه فهمتي شحجيت مو تجين تكليلي ماكدرت
نور : جمارة استحي عفية لا مااكدر
انتي ناوية جلطيني شنو الاستحيييي معليج روحيييي لاتخلين وحده ثانيه تلخذه من ايدج شبيج بابا تخيلي لو تجييييي نغم بت خالة انوار وتاخذه منج شيصير بيج
نور : لا نجبي راح اعترف اسم الله عمه بعينج خوفتيني
اي عفية اريدج هيج سباعيه وماكو احد يشوفج معليج الباقي يميييي بس روحييي خلصينه ، شوية واجه مهند نزلنه اني ونور جوه دزيتله رسالة
📨: مهند اسمعنيييي كوم من الديوان وروح ورا بلحديقة راح تجيك نور تريد تحجي وياك بموضوع فتهمت  ولاتخلي بشر يشوفكم مفهوم !!
📨: خوش هل كايم  الله اليستر من مصايبج ..
يلا روحيييي دزيتله رسالة بسرعة روحيييي قبل لاصير هوسة والولد يطلعون بره بلحديقة يلا بسرعه عمتي ع جيه ماتولين شبيج مصفنه
نور : خايفة جمارة شراح اكله
روحييي وهوه الكلام يطلع من وحده بس روحيي موتيني ، راحت نور وانييي بالي يمهم يارببببب ينجمعون ونخلص خطيه هيه خوش بنية وكلش تحبة الاخوي بس هوه اثول يموت عليها والهسه مامعترف الهاا يمه يشلعون الكلب جنت بغرفة امي  احجي ويه نور راحت هيه وشوية وسمعت صوت ازل بديوان واني كلبي صار طبلللل معناها اجووو اسمعهم يسلمون ع بعض شوية وعمتي سئلت عليه اجت سحر كالت يلا تعاي اخذي شربت وطلعي اخذت شربت وفتت واول مافتت تلكتني عمتي بالهلاهل ..
مروة : يمه صلاوات ع محمد عروستنه بعد روح عمتج الله يسعدكم يمه ويحفظكم ويرزقكم ويفرحنة بيكم
ازل : هلا بمرت اخوي الكيك يااابه شطالعه وينه قيس عنج
جمارة : ولج انجبيييي ماجوزين من سوالفج لحد يسمعج
ازل : اول مره اشوفج عاقله شعجب
زينة وسرور : انتن شتبسبسن صالجن ساعه
البنات : لالا ماكو شي هيج والله
كعدو يسولفون ويتفقون ع عقد والغايب والحاضر وقرو الفاتحة كاعدين نسولف اني والبنات وعمتي وامي وعمة ميادة وعمة هناء وبيبي وكلنه محتمعين لمحت نور دخلت للمطبخ تبجييي حيل خفت عليهاا ترخصت منهم وكمت رحت للمطبخ ، ولج شبيج تبجين
نور : جمارة فدوه لحكيني راح اموتت
شبيج شصار مساع مابيج شي شنو احجييي
نور : مااكدر امشي بغرفتج فوك لحد يسمعنه
يلا امشي صعدي كدامييي خوفتيني ، صعدنة بلغرفه وكتلهاا ، يلا احجييييي مو شلعتي كلبيي وموتيني خوف شصار بينكم
نور : سويت نفس ماكتيلي ورحت اعترفت اله وحجيت كل الي بكلبي بصراحه مادري مين اجتني شجاعه بس *بجي
شنو الي بسسس دحجييي مو فتيتي كلبي
مهند بل بداية رفض بعدين يلا قبل يحجيييي جمارة طلعت اني شكد ثوله الولد جان طرل هل سنين هوه ييراقبني ويحبني ويريدني ويحجيلي ويكول اني جنت احب بنية وهيج وهيج ويحجي بمواصفاتي بس اني حماره ومامنتبهه
جمارة : زين من اعترفتي انتي حماره بس هسه كليلي دام كلشي تمام شبيج تبجين
نور : ماعرف يمكن دموع الفرح مادري جمارة احس كلبي راح يوكف
جمارة : لو اشرب من دمج ماارتتح ولج مويتني طاحظج بلا لحظه شنو هاي ع ركبتج هههههه 😉
نور : هااا لامتكو شي شنو قابل *باارتباك
جمارة : شوفي عزيزتي طلعه من الباب ماكو كعدي حجيلي اخوي شمسوي مبين مطلع ضيم السنين الي جمتي شالعه كلبه بيهن هسه ههههههههههه مو بلا !!
نور : بخجل * لا هوه مسوه شي بس مجرد بوسه صغيره
جمارة : ولج يابوسة هذا منتقم منج شوفييي بلمرايه
نور : عزااا صخام صخمج نوررر شراح اسوي شلون جمارة يروح هذاا خرب * بجييي
جمارة : ع كيفج والله خبلتيني تفرحين تبجين تحزنين تبجين انجبي شوية هسه اخفي الج ، خفيته الهاا ولبست شال ورجعنه نزلنه خطيه حيل فرحتلهاا الله يتمم عليهم بالخير طول مااحنه كاعدين وانييي عيني ع باب اريد اشوفه ياربي شلون شوية واجتني رسالة من حبيبي
📨: هاا ياعمررر قيس شلونج هسه
📨: كلش زينة حبيبي
📨: ان شاءالله بيضت وجهج ورفعت راسج
📨: اكيد عمررررييييي والله رفعه راسييي واحلا يوم هذا يمر عليه باايام عمري كلهاا
📨: اروحلج فدوه جمارتي حبيبي مشتاقلج اريد اشوفج
📨: اني هم والله بس شلون مااكدر
📨: دقايق وارجعلج
📨: هاا قييس شراح اسوييييي وينك وينك !!!
مدنكة بتلفون شوية وكامت ازل ماعرف وين راحت رجعت اسولف ويه البنات جان صيحيني كالت تعاي بلمطبخ اريدج رحت ..
ازل : قيس يريد يشوفج بلحديقة طلعيييي دام ماكو احدد بلحديقة الورا البيت
بس شلون اذا احد شافنه
ازل : ماكو احد يشوفكم كلهااا بلمضيف كاعده واهلنه كلهم جوا يسولفن العجايز روحي معليج اذا صار شي اني اصوفرلج وانتي عرفي
جمارة : ههههههههههههه يلا خوش رايحه هوه بلحديقة
ازل : ايييي بلحديقة خلصي روحي ..
.
.
.
قيس : بعد ماقرينة الفاتحة وهاييي شوية وبالي يم جمارتييي دريتلهاا رساله بعدين احتارت حبيبت روحي شون شوفني دزيت رساله الضلعتييي ودبرت الموضوع رحت للحديقة الخلفية منتجييي ع شجره منتظرهاااا شويةة وشفت ملاك نازل من سمااا يصيح بااسمييي انداريت عليهاا بدون اي كلمة كبلل جريتها الحضني وشتميت عطرها اروحلهااا فدوه شكد جنت مشتاقلها اريد ادخلهااا بين ضلوعييي ومحد يدري بيهااا فدوه اروح العطرهااا اليسحررر ياربي كلشي بيهااا يموتتت شلونج يابعد روح حبيبج
جمارة : بخجل * الحمدالله حبيبي
اويليييييي ربييييييي بعد حيليييي انتيييي جمارتييي اخيراً راح صيرين بااسمييي وحلالي وام جهالي
جمارة : اي حبيبي الله يقدرني واسعدك ونعيش احلا ايام سويه
ولج شهل حلك الي ينكط عسللل بعد روحه الحبيبج ان شاءالله عمري الله يقدرني واعيشج احلا من الملكات ..
.
.
.
عياش: طول ما انه بلطريق وكلبي يذيني احسه جاي ينبهني ع شي بس ما ادري شنو هوه كلشش ضايج وقلق وصلت للبيت لكيت لولد بلكراج سلمت عليهم وشفت مروان مو ع بعضه حسيت صاير شي وضامه علي اشوف لجهال بلحديقه فرحانين ويكولن اخيرا راح يصير عدنه عرس شنو شكو عرس منو ؟ سئلت لولد شباب شنو هاذ الي يكولونه لجهال منو راح يعرس ليث راد يحجي بس شفت سكت باوع لمروان شفته يخزر بليث وكال لا مو عرس احد محد راح يعرس ما رتاحيت لحجيه ودرت وجهي ودخلت للبيت شفت امي ولشيخه وعماتيي وبيت عمتي  مروه هناا سلمت عليهن وبست راس امي والشيخه كعدت يمهن شوي وترخصت ميت تعب من الطريق كتلهم لحد يكعدني ع غده اريد انام كلش تعبان صعدت رحت الغرفه لبنات سلمت عليهن وحضنتهن كلش مشتاقلهن تمنين اشوف جماره يمهن بس ما شفتها سئلت سحر بس توترت ووجها ضل يطي الوان
سحر: بتوتر* ها شيخ جماره بغرفتها ما شفتها اليوم
عياش: ها زين يله انه اترخص خليت وطلعت لغرفتي دخلت للغرفه وكبل نزعت ملابسي واخذت ملابس من الكنتور ودخلت للحمام وانه افكر بجماره ليش ما شفتها شنو ما تريد تشوفني بعدها كارهتني لو شنو السالفه زين هيه ليش ما تحبني شسويتلها لأن ضربتها عسه ايدي بلكسر اذا تنمد عليها دمعت بس ما خليت دمعتي طيح بسرعه سبحت وطلعت من الحمام ذبيت روحي ع جربايه ونمت وفزيت العصر ع صوت التلفون يدك باوع شفت اسر يتصل فتحت خط الو ها اسر
اسر: هلا شيخ شلونك شخبارك حمدالله ع سلامه مشتاقيلك
عياش: الله يسلمك بخير وانت شلونك تشتاقلك العافيه يابعد اخوك
اسر : عساك بخير شيخ انه زين الحمدالله صدك انته بلبيت دريت منو خطب؟
عياش: كلبي صارت بي نغزه قويه وبلكوه احجي اي بلبيت منو الخطب ؟
اسر :قيس واخيرا راح يتزوج
عباش: هاا الف مبروك بس منو سعيده الحض
اسر :جماره بت عمي عاصم
عياش: كال جماره وانه شلون لواحد وضربني راشدي كتله عيد منووو خطب
اسر: شبيك شيخ كتلك قيس خطب جماره بت عمي عاصم
عياش: سديت الخط بوجها وركضت لبست ملابسي شلون ما جان ونزلت كبل للمضيف وانه كاب نارررر دخلت لكيت عمامي والشيوخ جايين كبل لا سلام ولا شي كتلهم شمسوين من وراي هااا بصياح رج المضيف رج*
المنو مطين بت عمييي وليش محد كلييي واخذ رائي شنو انه طرطور هنااا
الشيخ مصعب: بويه اهده اعصابك لا يصير بيك شي اهده خل نتفاهم
عياش: بشنو نتفاهم بشنو بس فهمنييي وشهدء وانتم استغليتو غيابي وانطيتو بنت كلبي المنو القيس انه الك يا قيس اله اشرب من دمك وحق علي موتك يصير ع ايدي....
#الكاتبـة نيروز الكربلائيـة 🖤.