unicode
ဤအပိုင်း၌ အသက်မပြည့်သေးသောသူများဖတ်ရှုရန်မသင့်တော်သော အခန်းအနည်းငယ်ပါဝင်ပါသည်။ အတတ်နိုင်ဆုံးနူးနူးညံ့ညံ့ရေးထားသည်မို့ ဖတ်သင့်၊မဖတ်သင့် ကိုယ့်သဘောနှင့်ကိုယ်ဆုံးဖြတ်ကြပါရန်.....။
°°°°°°°°
"ဖွားသွားတော့မယ်၊ဂရုစိုက်နေကြ ဟုတ်ပြီလား။ လွမ်းလည်းမနေနဲ့၊အဖွားအိုကြီးကို။"
တရားအားထုတ်တော့မည့်အဖွားက ရုန်းတို့မင်္ဂလာချိန်ကျော်သည်နှင့် တရားစခန်းသို့သွားတော့မည်မို့ ရုန်းနှင့်ရိုးလေးက လိုက်ပို့ပေးနေရတာဖြစ်သည်။ သားသမီးမြေးမြစ်မရှိသောအဖွားက ပိုင်ဆိုင်သည့်လုပ်ငန်းအလုံးစုံကို ရုန်းလက်ထဲစိတ်ချလက်ချထားပစ်ခဲ့၏။ ခွဲခွာခြင်းကိုနေသားမကျနိုင်သော ကောင်ငယ်လေးကနံဘေးတွင် တရှုံ့ရှုံ့။
"ဖွားပု တရားစခန်းလိပ်စာလေးတော့ပြောခဲ့ပေါ့ဗျာ၊ကျုပ်တစ်လတစ်ခါလောက်ဖြစ်ဖြစ် လာလည်မယ်လေ။"
"အောင်မလေး....သံယောဇဥ်တွေဖြတ်ချင်လို့ တရားစခန်းသွားပါတယ်ဆို မောင်ရိုးကလိုက်လာတော့ ဒီကအဖွားကြီးကဘယ်လိုလုပ်မတုန်း။ စိတ်ပူမနေနဲ့ ဖွားပုကိုမေ့ထားပြီး သားရုန်းနဲ့ပျော်ပျော်ရွှင်ရွှင်နေရစ်ခဲ့။ ဖွားပုစိတ်မဆိုးဘူး။"
သံယောဇဥ်တွေဆက်မထားနိုင်တော့တဲ့အဖွားက ရိုးလေးခေါင်းကိုတစ်ချက်ပုတ်ပြီးပိုင်ခန့်ကားပေါ်သို့တတ်သွားသည်။ ပြန်မယ့်နည်းတူ ပိုင်ခန့်ကလိုက်ပို့ပေးပါမည်ဟုအစီအစဥ်ချလိုက်သောကြောင့်ပင်။
"အကိုလိုအပ်တာလုပ်ပေးလိုက်ပါ့မယ်၊စိတ်ချမ်းချမ်းသာသာနေနော်။"
"ဟုတ်ကဲ့ အကိုပိုင်ခန့်၊ကျေးဇူးတင်ပါတယ်ဗျ။ ပြီးတော့ဟိုတစ်ခေါက်ကကျုပ်လုပ်ခဲ့တဲ့ပုံအတွက်လည်း တောင်းပန်ပါတယ်။"
ဖွားပုကိုမနှုတ်ဆက်နိုင်တဲ့ကောင်ငယ်လေးမှာ အမှောင်ကျနေသောကားမှန်ကို တွင်တွင်ကြည့်လို့ ပြန်ပြောသည်။ မျက်ဝန်းညိုညိုကြီးများမှ မျက်ရည်ဥများကပျော့ညံ့၍တော့မဟုတ်။ ငယ်စဥ်ကတည်းက မိဘနည်းတူမေတ္တာထားပေးသော သွေးမနှောသည့်သူစိမ်းကို ပြန်မတွေ့ရတော့ဘူး ဟူသော အတွေးကြောင့်သာ။ မရင့်ကျက်ရချည်ရဲ့လား ဆိုကာမဆူမပူချင်။ ရိုးလေးရဲ့ချစ်ခင်ရသူများအပေါ်ထားရှိသည့် မေတ္တာအတိမ်အနက်ကို ရုန်းသိရှိနေတာကြောင့်ပင်။
YOU ARE READING
ရုန်းထွက်မရပါလျှင် ဆက်၍တိုးဝင်မည်။(COMPLETED)
רומנטיקהမောင်ရိုးက ရိုးတယ်.......။ ချစ်ခြင်းကို အပြည့်အဝပေးရင်..... အပြည့်အဝပြန်ရမယ်လို့ ယုံကြည်တယ်.......။
