ابن الاجاويد

البارت الخامس والستون ..

_٦٥_

#أبن_الاجاويد(رد الدين )

#بقلمي_أسماء_ديمير

خوله ( صرخه عقم )

خمسة عشر عام وشـــهور تهــيم بالدنـــيا تهـــــــــــيم
تحمل بصــــيص من الامل ويموت اذا قالوا عقـــــيم

ترجع تشــــيل احزانهــــــا والياس والــــــهم المـقيم
تسهر تنـــاجي حلمــــــــها وتسامر الــــــيل الظــــليم

تشرب مرارة صبرهـــــــا وفي قلبها مثـــــل الجحيم
وإن صار لمة واجتمـــاع تلقــــف اطفال الحريــــــم

فتحت عيوني ، لان خوله فوكي ، كمت من الفراش على كيف ، مركزه وياها خايفه لا تاذيني ..

حجت مقهوره شنو شعورج هاا ؟؟؟

عقدت حواجبي مستغربه ، شبيج حلمانه بيه لو شنوو ..

دمعت عيونها ، من حبلتي شنو شعورج شحسيتي ، حسيتي تحرك موو .. تقربت عليه ، رجعت ليوره اني ..

حجت لالا ماحسيتي بي يتحرك اكيد لان هو بالخامس يله يتحرك ..

زين ما حسيتي اكو شي بطنج ، من تشوفين جهال كلبج ينطف عليهم موو هذا احساس الامومه ..

بجت كبل خلت اديها على وجهاا ، كولي شنو حسيتي ، بنفسي احس بالامومه احس اني حامل ..

لو شهر واحد والله راضيه اريد طفل حتى لو معوق ومحمد راضيه ، بشنو انتن احسن من تحبلن وتخلفن واني لااا ..

اني هم مره مثلجن ماناقصني شي ، اريد جاهل اشيله بديه ابوسه احظنه اشم ريحته ، الزم اديه ناعمه ، لو اكص اضافره حتى لايتعور ،

ضلت تشهك وتحجي ، راح تحبلين مو مره ثانيه ..

اكيد راح تخلفين مره وثنين وثلاثه ولهيب بعد ميهتم بيه ، راح تجيبين الي ماكدرت اجيبه ..

انتي راح تخلفين اله الطفل الي يتمنى واني لاا ، انا راح اضل اتفرج عليكم طول عمري ،

كعدت بالارض تبجي ليش يارب ليش شسوت ، ليش هالعقاب ، دمعت عيوني عليها ، اجذب اذا اكول مانقهرت عليها ، حسيت بعجزها وبضعفها ..

حجيت اواسيها ، كلشي بي حكمه من ربج ..

رفعت راسها علي وجها مليان دموع ، باوعت الها بريبه خايفه منها ..

وكفت لحيلها ، تمسح بدموعها وترجف ، حجت باعي اني اكرهج اي ، بس بيها مجال نصير صديقات ..

فهيت بوجها هاااا ،

اي نصير صديقات ، اني ساكته وخانسه خايفه منها ، حجت وهيه متوتره تقربت عليه ، دحكي ، دحكي ، شنو رأيج تخلفين وتنطيني الجهال الي هاا ..