_٤٩_
#أبن_الاجاويد(رد الدين)
#بقلمي_أسماء_ديمير
ها غسلتي وجهج وطلع حردان ابو المولده ..
رفعت حواجبي ، ترى شايف وجهي بدون مكياج مو جديد عليك ، وتوك حجيت ومدحتني بالسانك وكلت مصبوبه صب ..
كام وكف لحيليه رجعت ليوره ابتعد عنه ..
تقدم عليه وكفت جامده اتمالك نفسي ،
حجه كلت كلت ،
ترى قفلت الباب بوجهي ، وخليتيني ناطر ساااعتين ونص بالضبط اطلعها من خشمج ..
عت المشفه من ايدي ، رفعها لخشمه شمها حيل ، غمض عيونه ، ول الله تهد الحيل ..
فك عيونه خدران ، اني صافنه بوجهه مثل ثوله ،
عود عبالج تصعب علي فكه الباب ،
سكتت ارمش بعيوني ، حجه لو اعرف افتحه بقنبله يدويه هم اسويهاا ،
سكتت ابالع بريكي ، وزاره داخليه بعد ، شبيدي يمك انا ، مشه للحمام ..
حجه جايج جااايج وين ترحين ..
دخل للحمام واني اباوع وراه ، الحمدلله والشكر .. مشيت لميز المرايه امشط .
شيريد يسوي يعني والله يالله ، كعدت امشك بشعري ، وارتب بوجهي ..
طلع هو بطرك منشفه لافها على نفسه ، درت وجهي استغفرالله شهل بشر ، صدك يحجي ..
دنجت اسوي نفسي مشغوله بالجرار ..
طخني بجتفه حيل ومشه للكنتور ، ماهتميت اله ، لفيت شعري وكل شوي عيني تطرف عليه لكيته لابس شورت ..
رجع ضربني بجتفه ، جن ناوي يتعارك ، مشه شمر المنشفه ..
ورجع مره الثالثه وهم طخني ، تقرب على المرايه يمشط ويتعطر ، وخرت عنه جلب بيه وين دنحجي تعاي جااي ..
وكفت كباله ، جرني عليه وكفني كبال المرايه ، وكف هو وراي ، صدره طخ بظهري ، جسمه دافي رغم توه سابح ..
همست ..جسمك حار ..
ماحجه صفن يتفرج عليه ، بلع ريكه تدرين حلمت بهاي الحظه من يوم عرفت بيج ادرسي رفل وتدخلين لهنا ..
التفتت عليه بسرعه ، ابتسم ورجع دارني كبال المرايه وحظني ، يباوع بالمرايه على شكلنه .. صفن ..
دخلتي بهل بال من يوم شميت عطرج هنا ، عطرج شميته من جابوج الي بالمركز ،
من شفتج اول مره وماراح من بالي ، شميته مره ثانيه بالمكتب مال شلال ..
حسي ماخيبني ابد ، نوب شميت عطرج برفل ، كلت انتظرها واتأكد انو الله دزلي هالطيره واجت برجليها وحطت عندي ..
![](https://img.wattpad.com/cover/265470238-288-k994366.jpg)