ابن الاجاويد

البارت الثالث والستون

_٦٣_

#ابن_الاجاويد (رد الدين )

#بقلمي_أسماء_ديمير

هو جان كاعد ومنطيني ظهره ايريد يكوم ، واني حاظنته من وراه واحجي لاتروح عليك الله أسفه يعمري ..

لمن جفتت عليه ام خشه فزيت وخرت اديه عنه ، كبل عاطت بينه ..

ولج حقيره ماكفاج شاركتيني بي ، نوب حتى وصلت بيج كباحه تجري يمج بليلتي ..

دخلت للغرفه ركض تريد تهجم عليه وكف هو بينه ويشاكف ..

دفعته وخر وخر داخليلها حد الساقطه شكد عينج كويه وكحه ..

هيي عليمن ساقطه ولج ، انداريت علي اتشوف لهيب صدك تحجي ..

شيحجي لج نذله شيكول ، تردي يضربني يعني فوك شينج كوات عينج يبوووو عليج يابواكه الزلم ، لفت من وره لهيب وهجمت عليه ..

نوب اني واكفه على القنفه بس دفعتني ، كلت هيج وكعت على ظهري وهيه نامت فوكي تملخ بشعري ،

ادفع بيها اريدها تكوم ماكو ، اضرب بيها وماتوخر ، ضليت اعيط ، لهيب دنج يجرها يرفعها عني ، وصيح ول ياابه تخبلتي ..

تتلاوه وياه وترجع تضربي ، صااح ولجن بنات السكط كاافي ، اشتعلت عشيرتجن ..

لزمت خصله من شعري وسحلتني بالارض اني هم جلبت بيدها ولكفتها عضه ، هيه تصرخ من العضه واني اعيط من شعري وهو يحاول يفكنه ثنينه ..

وصيح كااافي بنات الجلب كااافي ، دنعل ابوجن .. نوب هو هم ماينطيني مجال اخلص نفسي واكف بينه حاجوز ..

، لا هيه تكدر تدفعني تخلص ايدها ، من حلكي ولا اني اكدر اوخر ايدها عن شعري كطعته ..

واكف بالنص عود يشاكف نطيناه دفعه اني وياها لزكناه بالحايط وخرنا ..

حجه ولجن طايحات الحظ بسجن ولجن ، والله دنعل ابوجن اوكفن الي ، عافنه وطلع من الغرفه دفعتها حيل على المكتب كلبتها ليوره ، نوب الغراض ترسن الارض ، هيه هدت شعري نوب التفتت لكت تمثال شالته ، اني كلت راح تهفني بي ، وصدك رفعته دتضرب ..

اني بصفي لابتوب شلته توه تربده براسي ، تشاكفت بالابتوب ، ماسمع غير بس طاااح مال كسره ..

ضربتها بي وكعت تعيط ، جلبت برجلي دنجت داعضها من ايدها دخل علينه ، مو لهيب لا والله شلون ثور البايسون ..

ينافخ شايل نطاق هذا العريض مال العسكريه ، اني شفته لو ساحت روحي رجعت ليوره ، هو كبل وكع الدك بالي واكعه بالارض ، صعدت امه وفاطمه على صوت العياط ..

اني وكفت بزاويه الغرفه ارجف لميت نفسي ، يايمه دخيلك ربي فاكه عيوني حيل وتفرج ، وهذا النطاق يصعد وينزل ، وذيج ترابش بالارض تريد تخلص منه ، ويعيط بنات الكلب فضحتنه طلعتن صوتنه بهل اليل شجاجن مالجن رداد ..