ابن الاجاويد

البارت الثاني والاربعون

_٤٢_

#ابن_الاجاويد(رد الدين)

#بقلمي_أسماء_ديمير

صفنت بوجه ممقتنعه ، اني من الاساس اخاف منه ، صح على كولت لتين استغلي وهو المنفذ الوحيد الي عندي ..

بس مو معناها بالسر ، حتى لو اهله راح يرفضون ، واني متأكده مراح يقبلون بيه ، لا من ثوبهم ولا من مستواهم ، بالاخر اني معلمه اشتغل عدهم اربي بنتهم براتب ، مو سالفه سهله اجي بيوم وليله واكعد وياهم بالبيت جنه وافرض نفسي ...

مو من مقام اصير جنه ، تذكرت جناينهم كلهن واصلات واهلهم شيوخ لو بالدوله ، يمكن شهم اذا كللهم اريد مينا وربي بشفل يشلونه احنه والبيت ساكني ويشمرونه بره محافظه ..

ضليت مثل بلاع الموس ، هو املي الوحيد وماعندي غيره ، وكلامه صدك اذا مشينه بسالفه رسمي كلها راح ترفض ومايقبلون ..

بس بنفس الوقت مستصعبتها حيل ، ضليت افكرك بديه خايفه ..

رفعت نظري عليه بترجي ، هو عيونه على جف ايدي ، حجه توكلي وخلي ايدج بيدي والله اسعدج ..

ماحجيت ، باوعلي بعيونه تلمع ، شلون وياج نظل هالشكل ، عجل خايفه مني ، ماخوف انا حنين ترى ماتعرفيني ..

رفعت تك حاجب ، سكتت من انداريت وشفت سميه تقدمت علينه ،   كالت يااا انته هنا ابو لارا جنت ادور عليه ..

مطيها ظهره وحجه خير يابه ..

ردت اسلم عليك ليش ماكو على بختك مشتاقين يمعود ..

دار وجهه عليه ورفع حاجبه بخير بخير الحمدلله ، حاجه بنته رفل يله بابا كومي مشكوره ست ماقصرتي ..

جر بنته ومشه امه صاحت وراه يااا شهم تعال امي داحجي وياك .

اندار عليها كاعده بالصاله هيه وخالاته ونسوان اخو وببياتهم وعمتي ..

حجه كولي حجيه ..

تعاي دحاجيك خالتك تكول جايين مشايه على سميه وكتلها لا لاتنطوها رايديها لشهم ..

ضحك ليش على بختج حجيه ليش توكفين بقسمه البنيه انطيها خاله لا توكفين بدربها ..

حجت امه لااا شنو تنطيها ماكو والله انا رايدها .

عجل انتي اخذيها مادامج رايدتها انا شكوو..

ضلن يضحكن عماته حجه اي والله مارايد زواج هسه انا ..

اتضل بلا زواج ..