ابن الاجاويد

البارت الثالث والخمسون

_٥٣_

#ابن_الاجاويد(رد الدين)

#بقلمي_أسماء_ديمير

ابن الاجاويد ..

وجئت اسالها عما يكدرها ..

ترد بالامها عني وتخفيها ..

لقت عليه كلاما لست افهمهُ

لكن قرأتُ بدمع العين مافيها

انا الذي لو رأى يوما مدامعها

اقيم من اجلها الدنيا وما فيها

ماغير صدري لو ضاق الزمان بها

وداهمتها الليالي السود يأويها

اصوات وهوسه ، بعدها سكوت وهدوء مرعب ، التفتت وراي وشفت الكابوس الي لاحكني سنين طويله مدد بالارض غارك بدمه ..

غمضت عيوني واني اشوف منظره المرعب ، وجهه ممبين من دم ، جايته الضرب بالضبط بكصته ..

وكعت على الارض ، جسمي يرجف ، لمني لهيب حظنه .. اسم الله شبيج يبه ..  شالنه ديرفعني من الارض  ..

وكف مصدوم ، رفع ايده بيها دم .. باوع بوجهي خايف ..

الزم جسمي يتلمس بيه شنو هاااي شبيج ..

ملابسي من جوه بيها دم ..

غمضت عيوني خجلانه بجيت ..

فك عيونه اعتده عليج احجي ..

ماحجيت بس ضليت ابجي ، دخلو الجيش وشهم يصيح باسم لهيب ،  هو بسرعه نزع القميص مالته العسكري ولفني بي يسترني ...

لزمت القميص حيل مجلبه بي ..

اجه شهم يركض وكف مصدوم من شافني ، يالله هاي شمسوي بيج ..

لهيب حظني يسندني ، حجه صفيتوهم  ..

رد شهم عليه وعينه عليه ، مو كلهم ، اعتقلنه نصهم ، دفعت ايده خجلانه ، رحم الله والديك ، جرني حيل حظنه ساكت  ..

اندار على شهم كله صفي الكل ، ماريد اخذ وياي احد عايش منا ، عبيهم بالسيارات جثث ..

اخذني ومشاني كوه ،

مشيت وطلعت وياه بره البيت مدري دائره قديمه ، بس طلعت شفت سيارات المكافحه ..

تارسه الشارع ، والهمرات واكفه ، درت وجهي على مكان الي اني بي ، منطقه زراعيه ، وحتى بيوت مابيها ، لمحت واحد واكع على وجهه جنه جثه وميت ..

كزبر جسمي من عرفته من ملابسه ، مرتضى !!

سبحان الله انفنو نفي ، عبالهم عقاب ربي العالم يبطئ ، جاهم يوم لا على البال ولا على الخاطر  ، تاليتهم جثث مشمره بالارض ، امشي وعيني على الجثث ..