ابن الاجاويد

البارت الواحد والستون

_٦١_

#أبن_الاجاويد(رد الدين)

#بقلمي_أسماء_ديمير

استغربت وجوده ..

رجعت ليوره خايفه شنو هذول الي وياه الحمايه ، شجابه هنا اصلا ، رجع الباب اندك حيل ..

جنت بوقتها لابسه ملابس بيت كصيره ، بسرعه مشيت غيرتهم ، وركضت على جهاز كبل دكيت على لهيب كتله خالك بالباب وجاي يدك ..

منو خالي اصدام ..

اي ..

خوش عجل افتحيلو جاي انا بالطريق ..

سديته منه ومشيت افتح الباب ، فتحته طلع بوجهي عاقد حواجبه ضايج ..

ساعه لمن تفتحين الباب شنوو ..

خفت مادريت منو بالباب الا شفت حظرتك ..

شنو ماتخليني ادش ..

لا لا هلا بيك وخرت عن الباب ودخل هو ، اندار وراه وحجه للحمايه خليكم هناا ..

دخل يمشي بهدوء ورزانه ، صوت طبه البسطال مالته الها وزن ..

كعد على تخم يراقب بالشقه وبتفاصيلها مشيت اجيب اله كلاص ماي ..

قدمت اله الماي ، شرب شوي وخلاه على الطبله حجه انته لتين الي كل وجع راس من وراها موو باله ..

فهيت بوجهي ، ردت احجي ماكدرت ، ضحك اكعدي يبه شبيج خايفه ماكل اوادم انا ،

جر من جيبه جكاره وشعلها ، رجع ضهره ليوره خال رجل على رجل ..

اني مثل الصنم مجتفه اديه وكاعده كباله شلون طالب المؤدب ، هو مرتهي وصافن يراقب ، هو وبدلته العسكريه سوده وبيريته ..

هيئته كلها تخوف والله ..

حجه اهلج وين انتي ..

فهيت حجيت هااا ..

الي خلفوج وين ، ركزي شوي وياي ..

حسيت راح يتبع وياي اسلوب تحقيق ، تذكرت هو ابنه منوو مو شهم هو وياها نفس الاسلوب المرعب يتبعو ..

حجيت ابويا متوفي ،

وامج ..

سكتت ، خجلانه ..

عجل ،امج عايشه سمعت اعجميه هيه ..

رديت بسرعه ، لااا مو ايرانيه والله ، عراقيه بس عايشين بايران ..

من عاشر قوم بنتي اصبح منهم ، امج مجنسه ايراني لو لاا ..

هزيت راسي اي ..

عجل معناها ايرانيه ، دار وجهه معناها جده اولادك يالهيب راح تكون اعجميه ..

ضحك هز ايده ، اولها تاليها تناسب العجم ،