ابن الاجاويد

البارت السابع والخمسون

_٥٧_

#أبن_الاجاويد(رد الدين)

#بقلمي_أسماء_ديمير

بلعت ريك ليش عمه شبي لهيب ..

فكت عيونها ورجعت ضهرهاا هاااا يعمه جنج راضيه وتصفكين اله مكيفه ، على حجايته ..

سكتت مبحلكه بوجها هيه ماتدري مستعده اشد وصله واركص مو بس اصفك ..

نترت بيه خرعتي بت الجلبه انتي حاجيه وياه وكالتله تعال ازوجني ، عبن ادري صلفه انتي  ..

لا والله ..

من شالج الله وعلي ماعندي ثقه بيج ، كامت لحيلها ..

كمزت من مكاني عمه بداعت بابا انطيني مجال شجاج ، دصبررري داحجي ، وداعت ابوي مافاكه حلكي وياه هو اجاج اني شلي غرض ..

لزمتني من يااختي مالكيتي غير لهيب بت زينب ،  هذا صاحب رتبه وعشيره جاايه انتي منتفهه بلا اهل تفرضين نفسج علي وتخلي ياخذج فوك مرته ..

دفعت ايدهاا عصبت اااي عمه ، جاايه من شارع اني لو نغله وتحجين هيج ..

يابت النذله انا حجيت هيج ، قاطعتها لويش مستصغرتني ، شبيه متكليلي ..

يااعمه مابيج ست البنات انتي بس شجابرج تاخذين على شرج ، كملي دراسه يااعمه ، شجابج علي هو واهله ، عبالج ترتاحين لو خوله تعوفه الج وتكعد تباوع عليكم  ..

شعلي بيها يااعمه ، هو يحير بيها هيه بركن واني بركن  ..

جاا انتي طابختها انتي وياه وجاين هسه بالاخر علي موو ..

سكتت انتفس بقوه تعبتني ، عمه الا اكلج احبه ..

سكتت كعدت بالكاع تضرب على رجلها هو هذا الخاايفه منه ، دارت وجها مدمعه ، شناقصج يااعمه ، مقصره ويااج انا ..

برطمت بوجها حشه ياعمه ماقصرتي ..

جاا تفضلين لهيب علي ..

مو هيج عمه ..

مايتعاشرون وانا عمتج ، انا اكبر منج وافهم ، ملتهم ماتتعاشر وناس تاكل ناس ، اذا غبنو حقج ياهو وراج انتي وياخذه الج ، خوله وراها اهل واخوان انتي شوراج ..

الله موجود ..

نعمه بالله ، بس ربج هم كال لا تلقو بانفسكم بالتهلكه ..

همست هو يحبني ..

ماخذج للخلفه ياعمه لاتضحكين على روحج ..