ابن الاجاويد

البارت الخمسوون

_٥٠_

#أبن_الاجاويد(رد الدين)

#بقلمي_أسماء_ديمير

لتين ...

رحت والساتر الله الدنيا خفت
مو بس عيني حتى جدامي رفت
عله لاهيتي مشيت وكتلك تهون
ما توكف عليك وتالي وكفت

محمد الطالقاني

اجت مينا من صبح ، الوجهه متفح والخدود ورديه ، دخلت سلمت وبوستني ، سالت عمتي وين  وتوجهت للغرفه تلم ملابس امان ..

مشيت وراها  راحت للسوك ليش ..

خوش لعد ..

ترى عمتي ماترضه تاخذينه لامان مو تدرين ..

من تجي وماتلكاه وتسال كليلها اخذته مينا ومارضت تبقي هناا ..

عمتي بعده كلبها مابرد منج لا تخلقين وياها زعل جايد خيه ..

ماكدر اعوفه والله شبيج كلبي يمه طول اليوم ..

قابل بعيد ، ترى ثواني وانتي يمنه ..

مااكدر يتربه بحظني مو بعيد عني ..

رجلج كتيله ..

اي وجابله غرفه هم ..

دكعدي بين ماتجي عمتي واقنعيها ..

بين مالمت ملابسه وسبحته وبدلت اله ومشطت شعره ، دخلت عمتي وشايله علاليك المسواك .

شافت مينا شايله جنطه امان و كايدته بيد الثانيه ..

على خير انشالله وين موليه وماخذ الولد ، بس لاناويه تهجين فوك سوايتج ...

كافي عمه الصار صار ، ادري الله سبحانه وتعالى يغفر ويسامح ، انتي شبيج شديتي وياي فرد نوب ..

اسمعي لج بت زينب طلعه للولد مناا ماكو ، مو ميت جوع يمنه وتاخذي يمج يم العالم الغرب تربي وتصرف عليه افتهمتي ..

عمه ترى ابني ظناي ، تردين تحرميني منه شكو ..

لاعمتي رضت ولا مينا سكتت وعافتنه تلاغت هيه وياها ومينا اصرت تاخذه .. مالج حق عمه بي ابني هذا ..

سكتت عمتي مدمعه اي يمه مالي حق شنو والده لو مرضعته لو سهرانه عليه لو شايلته حتى الي حق بي .. اخذي يمه اخذي عافتنه ومشت للغرفه زعلانه ..

مينا ضلت واكفه مدمعه ، حجت ماريد ابني يربى بعيد عني ، كافي تسجل باسم غيري ..

سحبته وطلعت ، مشيت لعمتي احاجيها شفتها كاعده ولازمه صوره عمو رضا ، وتمسح بدموعها   ...

انقهرت عليها حيل ، مشيت للمطبخ اصفي المسواك ، كل شوي عيني تطرف عليها ، اخاف لايصعد ضغطها وتتخربط عليه ..

نوب البيت فرغ ماضل بس اني وهيه ، واني مادري بعد هالخبر ، اقدم معهد مااقدم ..

واذا اقدم للمعهد واداوم وتضل بس هيه ، شراح يملي عليها البيت وكلنه مو يمها  ..