هووواااي انتقدو لتين ، واني من الناس ، وصلت بيها كامت تبجي من تسمع انتقادنا ، هيه اول انسان يخطا ويعترف باخطاءه وره ثواني ماتخلي يبات اليل ، اتحده شخصيه من شخصيات القصص ، تكعد تكول اي سويت هيج وغلطت ،
ماكوو كلهن ملاك بريئ ، كلهن صاحبات السان عسل ، وكلهن يفتهمن وعاقلات وكانو عمرهن ثلاثينيات ، لااا يعمري الواحد هم يكون واقعي شوي ..
هاي قصه حقيقيه ، يعني بيها اخطاء بيها ذنوب ، بيها صراعات وغيرهاا ، ولتين تحجيهن ماجنت تكعد تجمل بصورتها ، وتتمسكن ، لا والله جانت تحجيهن الي هيج كبل ، تكول سوالف دغش ماعرفها ، لان ربيت على فطره ،
تكول الله يشهد مايوم كذبت مايوم حقرت هيج من نفسي وعاجبني ، اني انسانه صريحه الي بكلبي على طرف الساني ، حتى خوله تكول من اذيها اكره نفسي ..
برغم اذيتي الها جانت بدافع انو احمي نفسي منها ، اي فعل سويته سيئ ماكان ناجم من نفسي جان رده فعل فقط ..
- اما خوله الي يكولون موتيهاا ، او خلي يطلكها .. ترى خوله باقيه وتتمدد ياعيوني ..
خوله بكل مساؤها تبقى مره ومشاعرها هيه تاخذها وتوديها ، اي نعم اذت لتين وراح تبقى تأذيها للاخر ، بس الواحد هم يحجي الحق ، مو لان هيه خصم لتين نعاديها نكعد نلفق عليها احداث مصايره بس حتى نرضى القارئ ..