ابن الاجاويد

البارت السادس والعشرون

_26_

#ابن_الاجاويد(رد الدين)

#بقلمي_أسماء_ديمير

انداريت عليها ، حلوه ماشالله ،

الله يستر عليهم ، خلي نخف ادينه هم يله نكمل منا الباجر ..

وهاي بنته ..

لا الرأئد يصير خالها ، هاي بنت اخته المتوفيه بيتهم هذا الونه ابيض ..

ذاك البيت جبير ثاني ..

ممم ..

كملنه تلملم ، و كعدنه نتعشه ، جايبه النه دجاج وتمن برياني وياها مقبلات تارسه الصينينه خجلونه بكرمهم والله ..

على العشه عمتي كالت شكد عيب حتى فلوس الاثاث هو دفعه ماعرف شلون نجازيهم ..

ليش هو دفعهن ..

اي يكولو البيت انا زامطتلكم بي وعيب عليه ماثثه الكم شنو انتو تاثثو على حسابكم ، جان بنيتي اجهزه بس ماصار عندي وقت ..

رحمه الله والديه ابن اوادم والله ..

الله يحفظه الامه عرفت بس هالوحيد الها ..

ماعنده اخوات يعني واخوان .

عده بس اختين وحده متوفيه بالولاده ومخليه وراها ثنين بنات ، وثانيه مزوجه غاد منهم ..

خطيه ..

ردت عمتي ، هاي بت الي اجت الظهر ويه مرت الرائد ، هيه هاي بنت اختهم متوفيه وبعد عدهم وحده صغيره ..

شنو عايشات يم خوالهن ..

والله ماعرف ماسالت بس هذا شفته بعيني ،

كتلها عمه انا اريد اشتغل ..

سكتت رفعت راسها ياا شغليج وانتي عدج جاهل ..

يبقه يمج عمه وانا اطلع اشتغل هم يرادلنه مصروف احنه اربع نفرات ترى ..

هم صدك يااعمه بس وين اكو شغل ، عبالج بعدنه بكربلاء وندبر نفسنه بشغل العبي ...

دسالي الرائد بالكت يساعدنه ، ويدلينه على محل نشتغل بي هم نطلع مصرفنه ، قابل يصرفون علينه هم مايصير ..

لا لا شنو يصرفون علينه مااقبل ، بعد اي فلس منه الولد خجلنه بكرمه هم صاحبك اذا حلو لاتاكله كله ..