ابن الاجاويد

البارت السادس عشر

_16_

#ابن _الاجاويد (رد الدين)

#بقلمي_اسماء_ديمير

مينا فزت على دخلته ، شكوو شنوو ..

هاج احمد طلكج خليجن هناا ، بيت ملفي مطلكات وعوانس ، دشوف شلون تعيشن ، الا ماخليتجن تبيعن ملابس الي عليجن مااطلع اني جعفر ...

مره بيجن تطلع وتشتغل الا اخلي طلقه براسها واحسبها عار عليه ، اذا اخليجن تعضن اصابعجن ندم ،

اندار على عمتي يتهدد ، جاا انا  تهلهلين لان طلكتج ، بسيطه بسيييطه ..

عافنه وطلع ، مينا نصدمت وجهه باهت شالت الورقه ، ورقه سيد لا عقد محكمه ولاشي ..

كبل كعدت بالارض تبجي ..

باوعتلها على شنو تبجين يحظي ماتصدكين تخلصين منه باله ..

ولج ماابجي عليه ابجي على ابني شلون راح اسجله ، لا عندي عقد ولاشي ولج حتى عقد السيد مااعندي شلون راح اسجله بااسمي وباسم احمد ، هسه تطلكت شلون بيه ..

اندارت على عمتي دبريني عمه جاهل شلون بي حتى بيان محد يطلعله عبالهم لقيط خلت اديها على وجها تبجي ياايمه شذنبه ابني شذنبه احمد شلون وافق يطلكني ..

عمتي حجت هاي سوالف عمج ، احمد بالسجن شبيده قابل ، نسيتي عمج جاب صاحبه سيد عقدلكم ، يعني يطلكج ويزوجج بكيفه هو وربعه شهود ..

مينا ضلت تلطم عزاا العزاني اي والله ابني شنو ذنبه ..

ضلت لا يوم ولايومين تون من قهر ، وصدك بيان مارضو يطلعون اله ، الا عقد سيد لو محكمه ، اي شي يثبت هيه مزوجه ، ودتلهم ورقه طلاق ماخذو بيها كاللوها هاي مو صحيحه ، والاجرائات مال المستشفه تريد اوراق رسميه هاي مو رسميه ..

عمي أجه وكالها تعاي ارجعي ، واسجل طفل بأسمج ، احنه ماقبلنا نرجع ، روح واخذ طفل من المستشفى واحرك كلب مينا ..

راحت ام احمد كالعاده تشوفه ، لمن وصلت كالولها اجه جده اخذه ، شلون وليش مادري بس الي عرفته ناطي فلوس وماخذه ..

مينا كطعت شعرها عليه نوب هو حالته الصحيه متساعده يعيش وين وداه ، راحت تركض لامي تعيط وتصيح عليها ، اول مره اشوف مينا بهل عنف طول عمرها جبانه وخوافه ،

هالمره اني من يمي خفت ، جانت شبهه منهاره ، طلعت للشارع تعيط بملابس البيت ، طبت للمطبخ كسرت الغراض شالت سجينه كالت والله ارتكب بيكم جريمه ابني وين ابني ويييين ؟؟