ابن الاجاويد

البارت الثامن والخمسون

_٥٨_

#أبن_الاجاويد(رد الدين )

#بقلمي_أسماء_ديمير

عطت شنوو ؟؟

همست ميناا شبيج ..

رجفت ، سمعتي هاا سمعتو شكال ..

حجيت بصوت تسمعهم ،  شكلت شيخنه  ؟؟!

رد كرر اسم الشهود وذكر اسم كرار ..

بجيت خليت ايدي على حلكي ، ميناا همست شنوو كرار شنوو هذا تشابه لو كرار ..

عطنه ثنينه من انفتحت الباب مال صاله ودخل علينه ولد ، وكفت لحيلي ، ضليت مفهيه بوجهه ماعرف شحجي ..

هو ماتحرك بس يباوع علينه وعيونه حمر ، جن باجي ،  كرار هذا بس كبران والله كرار ..

ماعرف ابجي لو اعيط من شفته ، مينا شمرت امان وركضت عليه تبجي حيل حظنته تون وتنود  يااكرار ياخويه ياعيون اخياتك  وين جنت لو تدري اشفنه بغيابك ...

احس رجليه ماتعيني ، عمتي كعدت على تخم تبجي وتمسح بدموعها ، تمشيت عليه بهدوء  ، هو يبجي وعينه علي مد ايده يكلي تعاي ..

، جسمي هبط  ابجي ركضت  حظنته حيل اشم بي ، وجع ذيج الايام كلها ردت ، والله مثل حظن الاخو ماكوو ، دنيا كلها بكفه وحظن الاخ من تبجين بي بكف ، تحسين دنيا كلها انرفعت من على جتافج ..

شكد احب لهيب ، بس من شفت كرار نسيت لهيب واهله ، بجي جان مو زعل بس شكوه اله على الصار بينه بعيد عنه ، وشلون دنيا لعبت بينه بغيابه ..

ماعرف اشكيله لو اكعد اني اسمع لشكوه ، بالاخر كلنه ضكنه الالم بس كل واحد نكهه غير ....

حاظناته حيل ونشمشم ونبوس بي ، ياايابه ابويا واكف والله ..

نسخه من ابويا طول والضخامه ، بجه بجي هو سوده عليه ، والله لحد هاي الحظه كل مااذكر ادمع عيوني كعد بالكاع على ركبه حاظنه حيل ويدهك ويبجي مثل نسوان ..

كبران ولجن ، شحالجن ليش متغيرات ، لزم وجه مينا ليش هيج ذبلانه مينا وين لون عيونج الحلوه .. لتفت علي وانتي لتين ليش ضعفاانه خويه ، ماحجينه ، بس لازمات بي حيل ،  رفعت راسي على لهيب ..

وجهه احمر وعيونه مدمعه ، شافني ابتسم ، هز راسه ، كفيت دين لااا ..

بجيت حيل نهضمت ، هزيت راسي همست  ماقصرت ،

ابتسم دموعه نزلت ويانه مقهور علينه ، بالربع ساعه نبجي ، الكل يبجي هلى بجينه ، ام مؤيد تحجي تكول الحمدلله قرت عيونكم بشوفته يمه كاافي بجي مو زين عقد البنت اليوم كولو يالله ..

جرتني ام لهيب تكلي مو زين يكلبي اخوجن ورجع الحمدلله كاافي بجي ، خربتي الكشخه كلها ..