ابن الاجاويد

البارت التاسع عشر

_19_

#ابن_الاجاويد(رد الدين)

#بقلمي_أسماء_ديمير

لا خاف متوهمه، رجعت قريت الورقه مره وثنين وثلاثه ، ونفس الكلام والله ، زواج متعه ، صخام بوجهج يااميناا ..

تزوجتي متعه يالرعنه مو درياانه ، لو هذا الكلب يوسف شو ماجاب سيره ، ليش نو انتي فتحتي وياه موضوع لو حجيتو مثل المزوجين ، طول اليوم نافرته ..

بجيت حيل لا يالله معناها زنيت اني ، سمعت اني زواج متعه زناا لان مابي شروط الزواج شرعي ..

اني مو جاهل لو متخلفه وجاهله ، لا واعيه واعرف هيج زواج حرام ، لان مابي اشهار وهم مؤقت مو دائمي  ، و اهم شروط زواج الشرعي الحلال هو الاشهار ويكون دائمي ...

ضليت ب ساعه ابجي احس روحي دخت وراسي بده يطن عليه ، كمت لحيلي دايخه ، لزمت الباب وطلعت بره الغرفه وبيدي العقد ،

اكيد لا اني متوهمه مو اكيد جان عمي لمحلي لو امي حجت شي  ...

دخلت للمطبخ اغسل وجهي ، خشمي طك دم جن ضغطي صعد ، خليت راسي جوه البوري ، راسي صخن ..

مشيت شربت ماي بارد ، حتى عيوني ثكلن ، لزمت الميز اسند نفسي ، كعدت على كرسي ، هذا اذا زوجني متعه معناها يجي يوم وهم ارجع اتطلك ..

معناها هم ارجع لبيت جعفر ، وهكذا واضل طول عمري من زواج لزواج ، بجيت حيل وضربت وجهي ، هاااي ياميناا استلميها يالرعنه ..

لا من حصلتي ابنج ولا من طلعت زواجتج زواجه صالحه ، شبيدي هسه اروح اتعارك ويه جعفر ، راح يضيع ابني لطول عمري ، ومنا اتطلك من يوسف ، وتالي لابيت يلمني ويحافظ عليه من جعفر ولا من ضناي بحظني ..

كعدت ابجي ميته قهر ، اجه كلبي يوكف من صدمه والتفكير ..

لزمت راسي يون عليه ، سمعت صوت مفاتيح ، رفعت راسي متحلفه ، كااافي لهناا وبس ،  انفتحت الباب ودخل يوسف ..

انداريت عليه دموعي تجري ، وعيوني دم ، باوعتله بحقد ، من شافني بهت اجه يركض عليه ، شبيج ..

هاي شبي وجهج احمر ولج خشمك ليش كله دم تقدم عليه نطيته دفعه عطت بوجهه وخرر ..

وكف صافن بوجهي ..

بجيت رفعت الورقه بوجهه هاي شنوو كلي شنوو مزوجني متعه يامثقف يامربي الاجيال متعه موو ..

بلع ريك ليش مو بموافقتج شنو ..

ياموافقتي انتي الثاني عمي صار وكيلي وهو عقد اني شعليه اني لو ادري هيج عقد ماازوجك الله لايوفقك لا انته ولا هوو انتو كفره ونكسين ولك اتاجرون بنات العالم ..