The Casanova Got Me Pregnant

Last Special Chapter

Naalimpungatan ako noong madaling araw dahil sa lamig na nararamdaman ko. Hindi naman nakaswitch iyong aircon pero nilalamig pa rin ako. Kumuha ako ng makapal na kumot sa cabinet at ikinumot iyon sa sarili ko bago natulog ulit. Pakiramdam ko ilang oras pa lang ang tulog ko pero tumunog na ang alarm ko kaya kahit sobrang sakit ng ulo ko at mabigat ang katawan ko, bumangon pa rin ako sa kama.

Damn. It feels really cold. Mainit ang katawan ko pero nilalamig ako. Ang weird lang.

"Sheila, gising na ba ang asawa ko?" tanong ko kay Sheila na naabutan ko sa may kusina

"Sinilip ko kanina, Sir. Tulog pa po si Ma'am. Kinain din niya iyon dinner na ginawa niyo kagabi pero hindi niya naubos."

It made me feel better knowing that my wife is eating her meals that I've cooked for her. Kahit sa pagluluto man lang ay maramdaman niya na may nagmamahal sa kanya.

"Sir, tumawag pala si Sir Enrique kanina lang. Kinukumusta kayong dalawa ni Ma'am." imporma niya sa akin

"I'll just call him later. Kumusta naman ang pakiramdam ng asawa ko? Nakikipag-usap na ba siya sa'yo?" tanong ko muli sa kanya habang nilalabas ang mga ingredients para sa iluluto ko

Umiling siya sa akin, "Tahimik lang siya, Sir. Tsaka laging nakatulala lang."

"Hindi naman ba siya nagwawala? O umiiyak?"

Napaisip ito saglit bago sumagot, "Hindi naman nagwawala si Ma'am, Sir. Umiiyak lang minsan."

I bitterly smiled at myself. This is one of the reason why I can't approach her again. She stopped being hysterical since she came back here. Maybe this house gives her a sense of protection, assurance, comfort and belonging.

"Sir, ayos lang ba kayo? Namumutla po kayo, e."

Nakangiting tumango ako sa kanya at sinabing ayos lang ako. Sumisigla ako dahil ipagluluto ko ulit ang misis ko.

"Ang swerte po ni Ma'am sainyo, Sir." biglang sambit ni Sheila

"Swerte talaga si Ma'am!" biglang litaw naman ni Paula na may dalang laundry basket

"Kayo talaga, ako ang maswerte sa asawa ko, no. Binalikan pa rin ako kahit ang babaero ko at manloloko ako noon. Tapos binigyan pa niya ako ng tatlong anak, o diba." natatawang kwento ko sa kanila

"Syempre maswerte ka din kay Ma'am kasi mapagmahal!" dagdag ni Paula

"Damit ba 'yan ni Scarlett?" tanong ko nang makita ko iyong damit sa basket na dala niya

"Yes na yes, Sir! Papalitan ko rin mamaya iyong mga bedsheets ni Ma'am." sagot niya sa akin

Mabilis na pinunasan ko ang kamay ko at kinuha ang basket na dala niya. Buti na lang at hindi siya umangal ngayon.

"Ako na ang maglalaba nitong damit ng asawa ko. Pwede bang mamaya ka na pang magpalit ng bedsheets niya? Gusto ko sanang sumama at tumulong maglinis sa kwarto niya." napapakamot sa batok na sabi ko dahil medyo nahihiya na ako sa kanila

"Pwedeng-pwede, Sir! Pero hindi lang ako sigurado kung magkukulong lang ngayon si Ma'am sa kwarto niya. Tanungin ko siya kung gusto niyang magpahangin sa garden." masiglang sabi ni Paula

"Salamat, Paula. Tsaka pwede bang picturan mo din siya mamaya pag nasa garden. Papalitan ko wallpaper ko." lulubus-lubusin ko na ang paghingi ng pabor sa kaniya habang may kapal pa ako ng mukha

"Ay sige, Sir! Tapos send ko sa'yo. May infrared ka ba, Sir?"

Bigla siyang binatukan ni Sheila, "Tungaw ka talaga! Bluetooth na ang uso ngayon."