يلا ياقمرات فووت ومتابعة وشير عشان أنزل البارت اللي بعده بسرعة😘❤️
البارت 3👇
ظلت فرح تبكي وتفكر ماذا سيحدث بها بعد زواجها من هذا المغتصب اللعين...
خبط الباب أخرجها من شرودها...
أحمد : يلا قومي يا فرح عشان نروح نسحب البلاغ..
قامت فرح ومشت معه بضعف وإنكسار...
*************************
ووصلوا للقسم ودخلوا للظابط المسؤل...
محسن : أتفضل يا حج أحمد...
جلس أحمد : أنا جاي أنا وفرح بنتي عشان نسحب البلاغ..
نظر محسن لفرح : أنتي موافقة إنك تسحبي البلاغ يافرح..
فرح ببكاء وهي تنظر للأرض بإنكسار : أي.. أي.. أيووه..
محسن : متأكدة يافرح..
قاطعه أحمد : هو في أيه يامحسن باشا بقولك هنسحب البلاغ وهي في واحدة تحبس خطيبها وكمان كام ساعة هيبقى جوزها..
محسن بدهشة : خطيبها.. وجوزها.. أها فهمت ماشي ياحج أحمد تقدروا تمشوا أنتوا دلوقت.
خرج أحمد ومعه إبنته...
محسن في نفسه : سالم دا مش سهل أهو إبنه عمل اللي عمله وفي الآخر قدر يطلعه زي الشعره من العجينة...
*****************
تركت فرح يد والدها..
نظر إليها أحمد : مالك يافرح في أيه..
فرح : أنا عايزه اتمشى شوية لوسمحت يا بابا..
وضع أحمد يده على وجه فرح : أنا عارف يابنتي أنتي حاسه بأيه دلوقت.. وعارف إنك زعلانه مني عشان هجوزك الندل ده... في حاجات يافرح أنا كنت مخبيها عليكي.. ولازم تعرفيها.
فرح : في أيه يا بابا..
أحمد : تعالى يابنتي نقعد على الكنبه دي..
جلست فرح بجوار والدها..
أحمد : أنا دايماً يابنتي وأنتي صغيرا كنت بقولك إن أنا معنديش أهل ولا عيلة وإني يتيم.. بس لا يابنتي أنا عندي أهل وعيلة كبيرة وليها أسم.. الندل اللي عمل فيكي كده دا يبقى أبن أخويا.. عارف يابنتي إنك طول عمرك بتتمني يكون ليكي قرايب بس أنا خبيت عنك طول السنين دي عشان أبعدك عن شرهم..
فرح بشهقه وبكاء : أيه اللي أنت بتقولوا ده يا بابا..
أحمد : أيووه يابنتي أنا كبير أبويا وكان دايماً مخليني دراعه اليمين في كل حاجة ولما أمي أتوفت أبويا أتجوز وخلف سالم وبهية أختي وأتوفت أمهم والإتنين كانوا شبه بعض في الطباع وقتها بقا بابا دخل سالم مدرسة داخليه عشان مفيش حد يهتم بيه.. وفضلت أنا مع أبويا في كل حاجة وبعدين رجع سالم كنت وقتها خاطب أمك وهنتجوز.. أتخانق مع أبويا وقاله إن هو بيحب نادية من وهو صغير وهو اللي أحق بيها مش أنا بابا وقتها ضربه بالقلم وقرب فرحي من أمك وأتجوزتها وبعدها بفتره بابا تعب ومات وأكتشفت بعدها إن سالم وأخته كان ليهم يد في موته ومضوه على كل حاجة... وقتها خدت أمك وهربت من شرهم وبعدها ب٦سنين أنتي جيتي وحمدنا ربنا عليكي.. بس القدر ليه رأي تاني إنك تتجوزي إبن سالم وتعيشي معاهم...
ظلت فرح تستمع لهذة الكلمات وتبكي..
أحمد وعينيه تلمع : بس أنا عارف إنك قوية يافرح ومحدش هيقدر يجي عليكي عايزك يابنتي تاخدي حقك من الندل ده بنفسك مش الحكومة اللي هتاخدلك حقك...ولما سالم عرض عليا إنك تتجوزي إبنه أنا وافقت عشان عارف إنك هتقدري تكسريه زي ما كسرك...ودلوقت يافرح هسيبك تتمشى مع نفسك وتفكري في كلامي بس ترجعي قبل ما الندل وأبوه يجوا البيت..
فرح بإيماء : حاضر يا بابا..
YOU ARE READING
إغتصاب وزواج إجباري💔 (مكتملة) بقلم/فاطمة قنيبر
Fanfictionلقد أخذ مني أغلي ماتملكه كل فتاة 💔 دمر حياتي بل أنهاها عند لمسي أول مره 💔 ولكني أشعر بالضعف ولا أستطيع الإنتقام لشرفي الضائع.. بل فقط أكتفي بالصمت أجعله ينهي حياتي بالتدريج.. أشعر كل لحظة بجانبه بأن موتى يقترب أشعر به قريب جداً.. في كثيراً من ال...
