إغتصاب وزواج إجباري💔 (مكتملة) بقلم/فاطمة قنيبر

البارت 13💔

عارفه إني مقصرة معاكوا معلش بس أنا كنت
تعبانة شويه وغير كده النت بيفصل ومش بعرف أنزل❤️❤️ دوسوا على النجمة وأعملوا متابعة 😔🙄

البارت 13👇

بهية بتعب : منير ياحبيبي.. أنت وحشتني.. سامحني يابني..
منير : متتكلميش ياحبيبتي الكلام غلط عليكي..
بهيه : فرح أتظلمت يابني.. وأنا كمان ظلمتها..
منير : متقوليش كده أنتي معملتيش حاجة..
بهيه : لا يابني داين تدان.. أنا لازم أحكيلك على كل حاجة من يوم حادثة فارس...

    Flash Back

بهيه : حاجة غريبة..
رانده : في أيه مالك..
بهيه : فارس من لما خد فرح مقصوفة الرقبة وطلعوا أوضتهم من بدري معتش ليهم صووت..
رانده : عادي هتلاقيهم نايمين..
بهيه : مش عارفة قلبي مش مطمن للهدوء ده..
رانده : طيب أستني هقوم أنادي على واحده من الخدم تطلع تقولهم الأكل جاهز..
#بهية
بعتت رانده الخدامة أوضة فارس.. فجأة سمعنا الخدامة بتصرخ.. طلعت جرى أنا ورانده لقيت فارس مرمى على الأرض غرقان في دمه.. أتصلنا على الإسعاف وأحنا متوترين وخايفين.. ووصلنا المستشفى بسرعة بعد فترة طويلة خرج الدكتور..
الطبيب : المريض نزف كتير وحالته حالياً مش مستقرة فلازم يفضل تحت المراقبة لمدة ٤٨ ساعة..
بهيه ببكاء : ممكن أشوفه يادكتور..
الطبيب : مش هينفع يافندم.. ثم ذهب فتذكر شئ فألتفت لهم مره أخرى..
الطبيب : أنا بلغت الشرطة وزمانهم على وصول.. ثم ذهب..
بهيه بتوتر وتنظر لرانده : هنقول أيه للشرطة..
رانده : هتصل على سالم يرجع حالاً..
وبعد إن أتصلت رانده بسالم وأعلمته بحالة ولده جاء في أول طيارة إلى مصر ووصل في فجر اليوم التالي...
وصل سالم إلى المستشفى لا يعلم كيف وصل أو متى وصل فكان خوفه على إبنه الوحيد شاغل كل تفكيره.. جرى مهرولاً كان يخبط في كل من يقابله ويقع أرضاً ويعتذر ويقف ثانيةً.. حتى وجد بهيه تضع يدها على رأسها وبجانبها زوجته رانده..
سالم بخوف وتوتر ملحوظ : إبني.. إبني عامل أيه ومين الواطي اللي عمل فيه كده..
بهيه ببكاء : لسه حالته متحسنتش.. ومنعرفش أيه اللي حصله..
وقفت رانده مرة واحده وتنظر لبهيه : أومال فين فرح وإبنك منير مش ملاحظة إن هما الإتنين أختفوا فجأة.. ممكن هما اللي عملوا كده وهربوا مع بعض..
سالم بغضب : يعني فرح اللي فضلتها على إبني وكنت دايماً أعملها أحسن معامله عاشت في قصر عمرها ماتحلم بيه وأكل عمرها في حياتها ما كلته.. بعد دا كله تعض الإيد اللي أتمدتلها تنتقم مني في إبني والله لأندمها على اليوم اللي أتولدت فيه.. ثم نظر لبهيه وأكمل والشر في عينيه..وإبنك لو كان ليه يد في أي حاجة تخص إبني هنسي إن هو إبنك وهوريه النجوم في عز الضهر..
بهيه بخوف على إبنها : مين قالك إن إبني ممكن يأذي إبن خاله أو يأذي أي حد حتى.. أتلاقي مقصوفة الرقبه هي اللي عملت كده.. ثم نظرت لرانده يشر.. أتأكدي من أي كلمه قبل ما تخرجيها..
رانده : أنا مقولتش حاجة غلط إبنك من يوم ما جه وهو مهتم بالبت دي وكان واقف في وش فارس عشانها.. ثم نظرت لسالم وبعدين الشرطة لو جت في أي وقت هنقولهم أيه..
سالم : محدش فيكوا ينطق بكلمة واحدة.. أنا هخلص الموضوع ده.. ثم أخرج فونه من جيبه وأتصل..
#بهيه
في الوقت ده سالم أتصل على حد مسؤول وخلص موضوع فارس.. قعدنا كلنا في المستشفى متوترين مستنين أي خبر عن فارس
وبعدين دخل الدكتور وقال..
الطبيب : المريض فاق وبينادي على إسم فرح.. ياريت تدخله..
سالم : إبني عامل أيه يادكتور..
الطبيب : بص يا سالم باشا الجرح كان سطحي بس هو نزف كتير عشان كده إضطرينا ننقله دم.. والحمدلله طالما فاق يبقى خلاص الخطر زال.. ولو حابب تدخله أتفضل.. بس ياريت فرح دي تدخل هي كمان عشان حتى وهو في البنج وهو كان بينادي بإسمها..
أشار له سالم بالموافقة ثم دخل ليطمئن على إبنه.. ودخلت معه بهية..
جلس سالم بجانب فارس وكان قلبه يتقطع من منظر ولده.. وضع سالم يده على رأس فارس بإشتياق..
فتح فارس عينيه ببطء...
فارس بتعب : فرح.. فين فرح..
سالم بغضب : لسه بتنادي على إسمها بعد اللي عملته فيك وكانت عايزة تموتك..
فارس وهو يغمض عيونه بتعب : فرح معملتش حاجة..
#بهية
فضل فارس في الوقت ده يصحى ينادي على فرح ومن شدة التعب يرجع ينام تاني غاب خمس أيام بالحال ده.. وبعد ما بقى كويس ورجع القصر.. أبوه قاله إن فرح هربت مع منير بعد ماحاولت تقتلك فارس مستحملش كلام أبوه وأتعصب وكسر كل حاجة كان بيشوفها قدامه وقعد يستحلف إن هو مش هيسبكوا في حالكوا وإن هو هيرجع فرح ليه تاني وهيقتلك.. أنا خوفت عليك وقرر إني هتصل عليك وأحذرك
من شره بس في الوقت ده دخل عليا فارس..

فارس بنظرات حادة : كملي ياعمتي كنتي رايحة
تعملي أيه.. هاااا.. كنتي هترني على مين..
بهية : يافارس يابني مستحيل منير إبني يفكر
يأذيك أنت أبن خاله وأخوه.. زمان مقصوفة
الرقبة اللي معاه هي اللي خططت لكل ده..
غضب فارس من كلماتها على فرح..
فارس بصوت عالي : بصي ياعمتي إنتي قدامك
حلين.. الأول إنك تشوفي إبنك وهو بيموت..
أو ترني عليهم دلوقتي وتقوليلهم إني مت.. وعلفكرة إبنك خد فرح وسافروا إستراليا..

كانت بهية ترتجف من الخوف لا تعلم لماذا شعرت
بالخوف من نظرات فارس وغضبه عليها..

بهيه بتوتر : م..موافقة على الحل التاني..
صفق فارس : أيوه كده ياعمتي عرفتي مصلحتك
فيين.. يلا أتصلي عليهم..

#بهية..
في الوقت ده رنيت على سيرين وكنت حاسه من
كتر الخوف إن روحي هتطلع وقتها عرفتكوا إن فارس مات..
فارس بإبتسامة خبيثة : أيووه كده شاطرة ياعمتي.. ومد يده بعنف ليأخذ منها الفون..
ثم أستدار ليذهب.. ثم توقف بالقرب من الباب
وناظرها..
فارس : أممم حبيت أقولك إني فصلت حرارة تلفونات البيت كله عشان متعرفيش تتواصلي
معاهم من ورايا.. ثم أشار لها بيديه حتى الخروج من أوضتك ممنووع.. لو حسيت بغدر منك أنسى إبنك..
خرج فارس وجلست بهية على الأرض تبكي
والخوف يملأ جسدها.. كانت تشعر بالخوف
على إبنها الغالي..

خرج فارس ثم دخل مكتب والده دون أي إستئذان..
سالم بغضب : أيه تصرفات الأطفال دي مخبطتش على الباب ليه قبل ماتدخل..
أقترب فارس من والده.. وجلس أمامه ووضع
بعض الأوراق أمامه..
سالم وهو ينظر للأوراق ثم لفارس : أيه ده..
فارس وهو يعطيه القلم : أمضى..
سالم بتعجب : أمضى على أيه..
فارس : دي أوراق الوصيه بتاعتك..
سالم بنظرات واسعة متعجبة : وصيتي.. أنت أهبل وصية أيه..
فارس : إن كل ثروتك هتتحول ليا.. ومش هيبقى في أي حد شريك ليا في الورث ولا منير ولا فرح..
ضرب سالم علي المكتب بيده : مهما عملوا هما ليهم نصيب في الورث ده.. وكمان حضرتك جاي عايز تورثني وأنا عايش..
فارس بإبتسامة خبيثة ثم ضحك بصووت عالي  : ههههههههههه ما أنت مش هتفضل عايش لفترة طويلة.. أنا حطيتلك سم في القهوة اللي شربتها من شوية.. وطبعاً مفعول السم ده طويل يعني قدامك ساعة.. ثم صفر فارس وشاور بيده للسماء.. وتطيير..

***************

بقلم /فاطمة قنيبر

**************

معلش هكمل الفلاش بكره لأنه طويل شويه
طبعاً هتعرفوا أي اللي حصل لفارس من يوم
الحادثة❤️

تعليقاتكوا والفوت هما سبب في إني أكمل الرواية وبتشجعوني جداً.. وبعتذر إني مردتش
على ناس كتير في البارت اللي فات ودي أول مره أعملها معلش 😔❤️
أ