The Billionaire's Soulmate ( SELF-PUBLISHED)

Chapter 2

"Baby girl, how are you?"maarteng bati ng bakla sabay beso kay Kathiana pagpasok namin dito sa sinasabing niyang agency nila.

Inilibot ko ang aking tingin sa paligid. Talagang mapapa-wow ka sa ganda ng interior design nila. The details are superb, alam mong hindi putcho-putcho yung nag-plano nito.

Napansin kong ang daming magagandang babae at lalaki ang labas masok sa gusali. Ito siguro yung sinasabi ni Kathiana na mga models na mina-manage ng kanilang agency.

Bigatin pala talaga itong si Kathiana, pero hindi man lang halata sa kilos nito. I mean maganda siyang manamit, bagay sa kanya dahil maganda rin naman siya pero hindi mo talaga siya makitaan ng hangin sa katawan.

"Mama O." bumeso rin ito sa bakla. Ganito talaga pag mga sosyal noh beso-beso talaga, eh kaming dalawa ni Daphne apir lang okay na.

"I'd like you to meet Sapphira, siya yung sinasabi ko sayong representative namin for the Miss Intramurals." Nakangiting pakilala ni Kathiana sa akin.

Umayos ako ng tayo kasi ako ng tingin ng bakla mula ulo hanggang paa. Pagkatapos humakbang ito palapit sa akin at hinawakan ang magkabilang kamay ko. Muntik ko pa siyang maitulak sa pagkabigla ko.

"Oh my gosh baby girl! Bakit ngayon mo lang dinala rito itong kaibigan mo? She's so pretty! Bagay sa kanya maging model ng mga creations ko!" nakatikwas ang kamay nito habang nagsasalita.

"Ang ganda mong bata. Bakit ngayon ka lang nagpakita sa akin?" dagdag papuri niya sa akin.

"Pretty right? Sabi ko sayo bagay siya maging model Mamsh, kaso ayaw niya eh." naka-pout pang sabi ni Kath sa tinawag niyang Mama O.

Nahiya naman ako sa papuri nila. Hindi naman kasi ako sanay na pinupuri ng harap-harapan talaga. Bahagya akong ngumiti sa kanya dahil nakita kong titig na titig ito sa akin. Sobra naman makatitig to si Mama O! Akala mo gandang-ganda sa akin, baka china-charot lang ako nito eh.

"Mamsh! " pinitik ni Kathiana ang kamay sa harap ni Mama O dahil mukha itong namaligno sa uri ng tingin niya sa akin. Para tuloy gusto kong maniwala na nagagandahan talaga siya sa akin.

"Yes darling! Ako nang bahala sa kaibigan mo." tsaka hinila ako nito sa isang silid kung saan doon nakahilera ang ibat-ibang klase ng mga damit.

"Make sure Mama O na magaganda iyang ipapasuot mo kay Saph ha, last year na namin ngayon. Gusto ko na manalo kami sa huling taon namin." Pahabol ni Kathiana.

"Sure darling, akong bahala sa lahat. Pati sapatos, make-up artist at lahat-lahat na. Papayag ba naman akong matalo ang alaga ko?"

"Very good, Mama O. You know me, I won't accept defeat."

Umabot kami ng kalahating araw doon sa studio nila Kathiana. Kung anu-anong damit, sapatos at iba pang mga props na aking gagamitin ang pinasukat sa akin. Kung alam ko lang na ganito pala karami ang gagawin, hinding-hindi talaga ako papayag.

Akala ko Madali lang ang lahat pero ang hirap pala. Ilang araw din kaming pabalik-balik ni Kath sa studio nila para mag-ensayo. Pero pasalamat na lang din ako dahil marami akong natutunan. Kahit paano may bago akong dagdag kaalaman at experience. Kahit nga ang pagsagot sa Q&A tinuro din ni Mama O sa akin. He is very nice and professional. Halatang alam talaga nito ang trabaho niya. Tsaka sobrang tiyaga niya sa akin.

Mabuti na lang din at todo suporta si Kath. Hindi talaga ako nito iniwan. Tinuruan pa nila ako ng tamang paglakad at tamang pag-ikot suot ang gown na aking gagamitin. Ang arte-arte pa ni Mama O, nananakit na nga ang paa ko sa kakalakad nang naka heels ayaw pa akong patigilin.

In between our practice, he keeps convincing me to accept his offer to be one of their models pero hindi ko talaga kaya. Ito pa nga lang practice namin nahihirapan na ako. Paano na lang kapag nag-mo-modelling na, aba'y tiyak paltos ang aabutin ko.