School of Myths: Ang ikalawang aklat (COMPLETED)

Chapter 43: Nalalapit na pagtatapos.

Augost 04, CS242 araw ng lunes. Sa ngayon ay pasugod na rin si Viel kasama ang ilan sa kaniyang malalakas na tauhan. Inaasahan na rin ng mga Isenhart ang paglusob ng mga ito kaya agad napalaban sina Viel.

Samantala, patuloy sa pakikipaglaban sina Rain sa mga Isenhart. Labis silang nahihirapan dahil hindi nila intensyon na patayin ang kanilang mga kalaban. Tanging si Izual lang ang pakay nila kaya kung makakaiwas sa laban ay hindi na nila ito pinapalampas pa.

Sa ngayon ay patungo na sina Hades sa loob ng kastilyo. Mas mapapadali sana kung dere-deretso sila sa pagpunta dito, ngunit batid nilang mas lalo silang mahihirapan dahil agad silang sasalubungin doon ng lahat ng kanilang mga kalaban at yon ang bagay na kanilang iniiwasan.

Walang hirap na natatalo ni Azys ang mga Isenhart na hindi nakakakinala sa kaniya. Ganon din si Mishia at ang kaniyang ina.

Samantala, sa ngayon ay napapalibutan sina Jigo, Alex, Sophia at Drake ng mga kalaban. Gusto sana silang tulungan nina Carl, Tyki at Warren ngunit hindi pa nila natatalo ang kanilang mga kalaban sa ngayon.

 

“Ang mama ni Jigo?” Gulat na pagkakasambit ni Alex.

Agad napatingin si Lara kay Alex at tila nagtataka sa reaksyon nito sa ngayon. Ilang sandali pa ay mabagal na nalakad si Alex patungo kay Lara. Naalerto naman ang mga Isenhart at ilang mga hakbang pa ni Alex ay sinugod na siya ng isa sa mga ito.

“Alex!” Sigaw ni Jigo.

Isang mabilis at malakas na pag-atake ang pinakawalan ni Ryura. Derekta itong tumama kay Alex, ngunit laking pagtataka ng lahat ng biglang mawala ang imahe nito. Sa mga sandaling ito ay napahinto si Ryura.

 

“Isang illusion? Isa din ba siyang Isenhart?” Gulat na pagkakasambit ni Ryura derekta sa kaniyang isipan.

Kahit sila Lara ay nagulat sa pangyayari, ikinagulat din ito nina Jigo, Sophia at Drake. Sa ngayon ay nasa harapan na si Alex ni Lara.

 

“Hello po, ako po si Alex Nightmiere. Ako po ang kasintahan ni Jigo. Ikinagagalak ko po kayong makilala, Mama.” Magalang na pagkakasambit ni Alex.

Labis na nagulat ang mga Isenhart, lalo na si Lara na hanggang sa ngayon ay hindi magawang magsalita o gumawa ng kaulang aksyon. Sa hindi maipaliwanag na dahilan ay biglang nagblush si Ryura at kalaunan ay galit na nagsalita.

 

“Naunaahan mo pa akong magka-girlfriend Jigo?! Hinding-hindi kita mapapatawad! *Grrrr!!” Sigaw ni Ryura.

“*Ahh! Pasenya na, biglaan kasi ang mga pangyayari eh. At isa pa ay gusto ko din naman si Alex.” Medyo nahihiyang pagkakasambit ni Jigo.

Lalong nagalit si Ryura sa kaniyang mga narinig. Samantalang hindi naman magawang mabasa nina Sophia at Drake ang kanilang sitwasyon ngayon.

 

“Natutuwa akong makilala ka, Alex. Sana alagaan mo ang anak ko.” Nakangiting pagkakasambit ni Lara.