School of Myths: Ang ikalawang aklat (COMPLETED)

Chapter 35: Nawawalang kaibigan sa nakaraan.

Sa mga sandaling ito ay muling nagkaharap sila Hades at Viel. Labis ang tensyong namumuo ngayon sa dalawa, dahil mayroon silang hindi natapos sa nakaraan.

 

“Sa wakas! Nagkita tayong muli, Hades.” Masayang pagkakasambit ni Viel.

 

“Viel Vielzkud.” Sambit ni Poseidon.

 

“Whoa! Poseidon! Hindi ko inaasahang makikita din kita dito!” Masayang pagkakasambit muli ni Viel.

“Viel! Totoo pala ang nalaman ko tungkol sayo, ngunit mukha yatang matanda na ang iyong anyo? *Fufufu..” Nakangiting pagkakasambit ni Hades.

 

“*Fufufu.. Hindi ka pa rin nagbabago, Hades. Arogante ka pa rin katulad ng dati. Pero may surpresa ako sayo.” Masayang pagkakasambit muli ni Viel.

Biglang nabahala si Hades sa kaniyang mga narinig, kaya agad na niyang inalerto ang kaniyang sarili. Agad din namang inihanda nila Poseidon ang kanilang mga sarili sa posibleng mangyari.

Samantala, mabilis na inalis ni Viel ang telang bumabalot sa isang bagay na dala nila at laking gulat ni Hades sa kanilang nakita.

“Leiya?!” Gulat na pagkakasambit ni Eclaire.

 

“Mabuti naman at naalala mo pa ang kapatid ko, Eclaire!” Sambit ni Viel.

Hindi maunawaan ni Sophia ang nangyayari, gayon din ang mga kasamahan ni Viel na ngayon lang din nakita ang kanilang dala.

 

“Ano po ba ang nangyayari tiya? Sino po ang babaeng nasa loob ng Time frost cage?” Sambit ni Sophia.

“Isang kaibigan. Ngunit hindi ko maunaawan kung papaano siya nai-kulong sa time frost cage at kung sino ang gumawa nito sa kaniya.” Tugon ni Eclaire.

Totoong walang alam sila Hades tungkol sa nangyari kay Leiya sa ngayon, dahil ang tangi lang nilang alam ay nasawi ito nung makipaglaban sila sa mga druid. Hindi nagawang maniwala ni Hades tungkol dito kaya patuloy niyang hinanap si Leiya, ngunit nabigo lamang siya hanggang sa matuklasan niya ang ginawang panloloko ni Zeus sa kanila.

 

“Kung ganon ay nilinlang mo lang pala ako, Viel!” Sambit ni Hades.

“*Fufufu.. Ganon na nga! Ngunit hindi ko alam na posible pa palang maka-laya ang kapatid ko sa kristal na ito. At nung malaman ko ang tungkol dito ay huli na ang lahat, dahil nakaalis na kayo ni Eclaire para sumugod sa kampo ng mga Vampire.” Sambit muli ni Viel.

“*Tsk!” Sambit muli ni Hades.

 

“Si Sonia ba ang may gawa nito sa kaniya?” Tanong ni Eclaire.

“Tama ka! Ngunit hindi ko nasaksihan ang naging paglalaban nilang dalawa at naabutan ko na lang ang aking kapatid na naka-paloob sa kristal na ito.” Tugon ni Viel.